Hádegisfréttir

Hádegisfréttir 23. október 2025

Framkvæmdastjóri Samtaka iðnaðarins segir bilun hjá Norðuráli á Grundartanga hafa áhrif á allt þjóðarbúið, höggið hlaupi á milljörðum. Ljóst er að það tekur marga mánuði að koma framleiðslunni í samt horf.

Forsætisráðherra segir stöðu Norðuráls grafalvarlega og gefa þurfi fyrirtækinu vinnufrið. Þingmenn kölluðu eftir viðbrögðum stjórnvalda við stöðunni á Grundartanga.

Evrópusambandið ætlar að herða enn refsiaðgerðir gagnvart Rússum. Bandaríkjastjórn ákvað í gær að beita tvö stærstu olíufyrirtæki Rússlands refsiaðgerðum.

Kennarar og nemendur í Víðisstaðaskóla eru slegnir yfir dreifingu myndskeiðs sem búið er til með gervigreind og sýnir kennara og nemanda í sleik. Skólastjóri segir skólana standa frammi fyrir nýjum veruleika.

Flugumferðastjórar og Samtök atvinnulífsins sitja við samningaborðið. Að óbreyttu leggja flugumferðarstjórar á Reykjavíkurflugvelli niður störf milli tólf og fimm síðdegis á morgun.

Stjórnvöld þurfa að setja spilafíkn í sama forgang og aðra fíknisjúkdóma, segir sérfræðingur hjá embætti landlæknis. Spilafíkn sé stór vandi sem hafi verið falinn.

Í fyrsta sinn í 500 ár lagðist breskur þjóðhöfðingi á bæn með páfa. Bresku konungshjónin eru í opinberri heimsókn í Vatíkaninu.

Sumir eyða miklum tíma og peningum í vörur og flóknar aðferðir til að lífga upp á hárið en margt virkar illa eða alls ekki. Ísköld sturta fær ekki hárið til að glansa.

Frumflutt

23. okt. 2025

Aðgengilegt til

Rennur ekki út

• 00:01:39 Áhrif bilunar hjá Norðuráli
• 00:07:21 Zelensky á leiðtogafundi ESB
• 00:09:33 Gervigreindarmyndskeið í dreifingu í grunnskóla
• 00:11:01 Fundað í deilu flugumferðastjóra
• 00:11:35 Engin sérþekking á spilafíkn hjá embætti landlækni
• 00:11:35 Söguleg stund í Vatíkaninu
• 00:15:47 Sólmyrkvagleraugu keypt fyrir Vestfirðinga
• 00:16:09 Mýtur um hárumhirðu afhjúpaðar
• 00:18:09 Íþróttir

Útvarpsfréttir.