Hádegisfréttir

Hádeigsfréttir 5. júní 2025

Karlmaður sem er ákærður fyrir að stinga móður sína 22 tuttugu og tvisvar á heimili hennar í október, lýsir flóknu sambandi þeirra, í greinargerð sem verjandi hans lagði fyrir Héraðsdóm Reykjavíkur í vikunni. Aðalmeðferð hófst í morgun fyrir luktum dyrum.

Laugardalshöll gæti fengið sektir vegna þess sem miður fór á tónleikum FM95BLÖ um síðustu helgi. Lögregla segir að öryggisgæslu hafi verið ábótavant, of margir miðar hafi verið seldir og viðburðurinn hafi staðið of lengi, miðað við útgefið leyfi.

Aðildarríki Atlantshafsbandalagsins eru nálægt samkomulagi um að auka verulega útgjöld til varnar- og öryggismála.

Útgjöld til hernaðar- og varnarmála á heimsvísu jukust um hátt í 10 prósent í fyrra. Ísraelar juku útgjöld sín hlutfallslega mest. Helmingur ríkisútgjalda Úkraínumanna fer í hernað.

Forsætisráðherra segir að Útlendingastofnun hafi verið í lófa lagið að vísa 17 ára kólumbískum dreng úr landi en að það hafi verið ákvörðun stofnunarinnar að gera það ekki. Hart var deilt um málið á þingi í morgun.

Úrkoma á Ólafsfirði hefur ekki mælst jafn mikil í áratugi. Smám saman dregur úr henni í dag.

Ljósmyndaskólinn hættir starfsemi eftir næsta skólaár. Skólastjórinn segir nemendur geta útskrifast og að námið verði vonandi í boði annars staðar.

Frumflutt

5. júní 2025

Aðgengilegt til

Rennur ekki út

Útvarpsfréttir.