Rússlandsher drap átta í árásum á Kyiv, höfuðborg Úkraínu í nótt. Þetta eru mestu árásir Rússa síðan Bandaríkjaforseti setti þeim úrslitakosti.
Lögreglan á höfuðborgarsvæðinu birti falsaða ljósmynd í tilkynningu í tengslum við rannsókn á eldsneytisþjófnaði. Embættið harmar atvikið og ætlar að endurskoða verklagið.
Sænsk stjórnvöld þrýsta á Evrópusambandið að hætta tafarlaust öllum viðskiptum við Ísraela vegna grimmdarverka þeirra á Gaza. Þrýstingur alþjóðasamfélagsins á Ísrael eykst.
Framkvæmdastjóri Landverndar segir að Landsvirkjun setji hættulegt fordæmi með því knýja Hvammsvirkjun í gegn án leyfa og þvert á úrskurð hæstaréttar.
Notkun falsaðra, rafrænna ökuskírteina færist í aukana. Þau eru orðin svo sannfærandi að ómögulegt er fyrir aðra en lögreglu að sannreyna þau.
Forsætisráðherra Litáens tilkynnti afsögn sína í morgun. Rannsókn stendur yfir á meintu glæpsamlegu athæfi fyrirtækja í hans eigu.
Tjaldsvæðið Hamrar á Akureyri er að fyllast. Mesta ferðahelgi ársins er framundan og spáin er góð fyrir Norður- og Austurland. Gul viðvörun verður í Vestmannaeyjum á föstudagskvöld.
Seinni undanúrslitaleikurinn í Mjólkurbikar kvenna í fótbolta er í kvöld. Breiðablik mætir ÍBV og þá ræðst hvort liðanna mætir FH í úrslitum.
