Rússar hafa sótt á í austanverðri Úkraínu undanfarna daga. Úkraínuher skortir mannafla og vopn - og skotfæri eru af skornum skammti. Tvö ár eru í dag liðin frá því innrás Rússa hófst.
Formleg innganga Svía í Atlantshafsbandalagið verður mögulega í lok næstu viku í höfuðstöðvum NATO í Brussel. Viktor Orban, forsætisráðherra Ungverjalands, tilkynnti í gær að aðildarumsókn Svía verði afgreidd á ungverska þinginu á mánudag.
Formaður Starfsgreinasambandsins vonast til að ljúka samningum við Samtök atvinnulífsins innan skamms. Þeirra er þó ekki að vænta í dag þótt fundahöld haldi áfram. Hann óskar VR sem sagði sig frá viðræðum í gær velfarnaðar í sínum viðræðum.
Alvotech fagnar stórum áfanga eftir að fyrirtækið hlaut langþráð markaðsleyfi á líftæknihliðstæðu af lyfinu Kumira. Lyfið er eitt það mest selda í heimi og forstjórinn segir bjarta tíma framundan
Fjármálaráðherra freistar þess enn á ný að leysa vanda ÍL-sjóðs. Ráðherra og átján lífeyrissjóðir ætla að hefja viðræður um uppgjör á skuldabréfum sjóðsins.
Miðaldra Bretar sem treysta sér ekki lengur til að skemmta sér á nóttunni, fá nú tækifæri til þess um miðjan dag. Selst hefur hratt upp í öll danspartíin til þessa.
