Hádegisfréttir

Hádegisfréttir 17. janúar 2024

Kvikugangurinn í Grindavík heldur áfram að breikka og síga í nýja sigdalnum og fyrir norðan bæinn. Fagstjóri á Veðurstofunni segir að dregið hafi úr jarðskjálftum og rólegra sé yfir en að á meðan hreyfingar mælist þurfi að hafa varann á.

Nær allur Grindavíkurbær fær nú heitt vatn og rafmagn en á milli 40 og 50 pípulagningamenn meta nú skemmdir í hitakerfum húsa í bænum. Engir íbúar fá að fara inn í bæinn í dag til að bjarga verðmætum.

Prófessor í jarðeðlisfræði segir að miðað við núverandi aðstæður á Reykjanesskaga sé ekki skynsamlegt að búa í Grindavík. Bæjarbúar þurfi að búa sig undir að jarðhræringar og eldgos geti varað í mánuði eða jafnvel ár.

Einn lést í umferðarslysi í Hvalfjarðarsveit í gærmorgun. Þetta er fimmta banaslysið í umferðinni á árinu.

Forseti Úkraínu varar við því að þrátt fyrir að samningar yrðu gerðir um að hætta átökum í Úkraínu og deilan yrði frosin myndi það ekki stoppa Rússlandsher. Úkraínuforseti telur að Rússar ætli ekki að láta staðar numið eftir innrás í Úkraínu.

Breska þingið greiðir í dag atkvæði um umdeilt frumvarp um að senda flóttamenn til Rúanda. Ekki er víst að allir þingmenn flokks forsætisráðherrans greiði atkvæði með því.

Gjaldtöku á bílastæðum við flugvellina á Akureyri og Egilsstöðum verður frestað þar til í vor og byrjað að rukka á Reykjavíkurflugvelli samhliða. Áform um gjaldtöku höfðu verið gagnrýnd.

Ísland mætir Þýskalandi í fyrsta leik sínum í milliriðli á Evrópumótinu í handbolta annað kvöld. Þrátt fyrir mjög slæmt tap gegn Ungverjum í gær á Ísland enn mögulega á að komast áfram, spili liðið betur en það hefur gert.

Frumflutt

17. jan. 2024

Aðgengilegt til

Rennur ekki út

• 00:01:57 Grindavík staðan í jarðhræringum
• 00:03:41 Vatn og rafmagn í Grindavík
• 00:05:15 Engum hleypt inn að bjarga verðmætum
• 00:06:19 Magnús Tumi um framtíð Grindavíkur
• 00:08:22 Banaslys á þjóðveginum við Hvalfjarðarveg
• 00:09:13 Zelensky segir Pútín rándýr
• 00:10:54 Lavrov á fund öryggisráðsins
• 00:11:08 Gular viðvaranir
• 00:11:54 Álit umboðsmanns/staða Svandísar
• 00:14:02 Tekist á um Rúanda
• 00:15:00 Hætta við bílastæðagjöld á flugvöllum
• 00:16:47 Vetrarharka í Þýskalandi tefur samgöngur
• 00:17:33 Apple tekur fram úr Samsung í sölu snjallsíma
• 00:18:18 Íþróttir
• 00:20:20 Veður
• 00:20:50 Seinni helst

Útvarpsfréttir.