Yfirvöld á Gaza segja að tólf hafi látið lífið í loftárás Ísraelshers á skóla á vegum Sameinuðu þjóðanna í Gazaborg í morgun. Bandaríkjastjórn telur sig hafa afstýrt því að átök Ísraelshers og Hamas breiðist út.
Dregið hefur úr skjálftavirkni við Þorbjörn frá því seint í gær. Landris heldur áfram en engin merki eru um að kvika færist nær yfirborði.
Sex manns sitja í vikulöngu gæsluvarðhaldi vegna skotárásarinnar við Silfratjörn í Grafarholti. Yfirlögregluþjónn segir rannsókn miða ágætlega.
Hópur ungs fólks sem dæmt er í fangelsi fer ört stækkandi segir fangelsismálastjóri. og gera þurfi allt til að stöðva þá þróun.
Enn er leitað að ökumanni sem keyrði á gangandi vegfaranda á gatnamótum Þingvallastrætis og Dalsbrautar á Akureyri í gærkvöldi.
Tveir karlmenn voru í gær sýknaðir af ákæru um nauðgun í Héraðsdómi Reykjaness.
Að minnsta kosti 150 fórust í jarðskjálfta af stærðinni fimm komma sex sem reið yfir afskekkt héruð vestanvert í Nepal síðdegis í gær.
Laxeldisfyrirtækin hér á landi eru á krossgötum varðandi sjókvíaeldi segir Kristrún Frostadóttir, formaður Samfylkingar. Greininni verður sjálfhætt ef sýkingar og slysasleppingar halda áfram.
Um tíu þúsund færri laxar voru veiddir á stöng í sumar en í fyrra, sem er um tuttugu og fimm prósenta minnkun.
