Hádegisfréttir

Hádegisfréttir 29. október 2023

Ísraelsher segist hafa gert 450 árásir á Gaza á síðasta sólarhring. Örvæntingarfullt fólk braust inn í vöruhús palestínsku flóttamannahjálparinnar í leit að mat og öðrum lífsnauðsynjum.

Stjórnmálafræðiprófessor segir hjásetu Íslands við atkvæðagreiðslu um vopnahlé á Gaza sýna hversu klofin ríkisstjórnin er.

Setja þarf aukið fjármagn í aðgerðaráætlun ríkisins í geðheilbrigðismálum. Þetta segir framkvæmdastjóri Geðhjálpar. Hann segir það skjóta skökku við að frjáls félagasamtök sinni geðheilbrigðisþjónustu hér á landi, sem ætti að vera innan vébanda ríkisins.

Afgerandi meirihluti kjósenda greiddi atkvæði með sameiningu Vesturbyggðar og Tálknafjarðarhrepps í gær. Íbúar gera kröfur um bættar samgöngur í sveitarfélaginu.

Bandaríski herinn varaði við hótunum af hálfu mannsins sem varð átján að bana í Maine á miðvikudagskvöld. Lögregla segir árásarmanninn hafa fyrirfarið sér.

Veðurstofa Íslands á von á nýjum gögnum sem gefa nánari mynd af jarðhræringum á Reykjanesi. Jarðskjálftahrina er í rénun en GPS-gögn sýna áframhaldandi þenslu við Þorbjörn.

Landfræðileg lega landsins er akkilesarhæll þegar kemur að pakkasendingum til og frá landinu. Þetta segir innviðaráðherra sem segir tækifæri til að gera betur í póstþjónustu

Bandaríski leikarinn Matthew Perry lést í gærkvöld. Hann er þekktastur fyrir hlutverk sitt í gamanþáttunum Friends, en á seinni árum var hann mjög opinskár um glímu sína við áfengis- og lyfjafíkn.

Frumflutt

29. okt. 2023

Aðgengilegt til

Rennur ekki út

• 00:00:00 Helst
• 00:01:49 Staðan á Gaza
• 00:04:22 Ósamstíga ríkisstjórn
• 00:07:06 Reykjanes-staðan
• 00:08:25 Geðhjálp um sjálfsvíg
• 00:10:32 Sameining Vesturbyggðar og Tálknafjarðarhrepps
• 00:10:32 Innviðaráðherra um póstinn
• 00:13:44 Árásarmaður í Maine féll fyrir eigin hendi
• 00:15:14 Matthew Perry látinn
• 00:16:57 Íþróttir

Útvarpsfréttir.