Hádegisfréttir

Hádegisfréttir 25.apríl 2025

Úkraínumenn gætu þurft að láta Rússum eftir landsvæði til að tryggja tímabundinn frið, segir borgarstjórinn í Kyiv, höfuðborg Úkraínu. Erindreki Bandaríkjastjórnar er í Moskvu þar sem búist er við að hann hitti Rússlandsforseta.

Fyrrverandi samgönguráðherra vill að það verði skoðað hvort leigubílstjórar hafi fengið of mikið frjálsræði þegar leigubílalögum var breytt árið 2022. Það sé dapurt að sjá ólguna innan stéttarinnar.

Hægt er að greina myndun kvikuganga fyrr með ljósleiðarakapli en með GPS-mælingum. Þessi nýja tækni hefur nú þegar sannað gildi sitt á Reykjanesskaga.

Viðskiptastríð ráðamanna í Bandaríkjunum og Kína virðist enn vera að harðna en Kínverjar þvertaka fyrir að einhvers konar samningaviðræður eigi sér stað. Bandaríkjaforseti segist hafa rætt viðskiptatolla ríkjanna við forseta Kína, en engin lausn sé í sjónmáli.

Yfir ellefu milljónir króna hafa safnast á tveimur dögum til endurbóta á sundlauginni í Reykjadal. Þar eru reknar sumarbúðir fyrir fötluð börn og ungmenni. Skipuleggjendur eru afar þakklátir fyrir stuðninginn.

Krían er komin á Reykjavíkurtjörn. Fuglalífið glæðist með hækkandi sól og lífríkið undir yfirborðinu ekki síður. Líffræðingur hjá Hafrannsóknastofnun segir að ekki þurfi að gefa fuglunum á sumrin.

Fjórir hafa boðið sig fram til embættis forseta ÍSÍ. Valdimar Leó Friðriksson tilkynnti í dag um framboð.

Frumflutt

25. apríl 2025

Aðgengilegt til

Rennur ekki út

• 00:01:47 Úkraína og friðarsamningar
• 00:05:21 Leigubílar á Keflavíkurflugvelli
• 00:07:44 Spáð fyrir um eldgos
• 00:09:33 Tollastríð Trumps og Kína
• 00:10:14 Trump ýjar að kosningabaráttu í vefverslun
• 00:11:33 Safnað fyrir sundlaug í Reykjadal
• 00:13:23 Þjóðarmorð í Darfúr
• 00:14:20 Ríkið hafði betur gegn ítölskum barón
• 00:15:50 Páfi kvaddur
• 00:16:13 Herskip við Reykjavíkurhöfn
• 00:16:41 Krían og lífríki tjarnarinnar
• 00:19:18 Íþróttir

Útvarpsfréttir.