Hádegisfréttir

Hádegisfréttir 2. desember 2025

Útgjöld ríkisins aukast um tæplega 20 milljarða króna í fjárlögum næsta árs. Önnur umræða um fjárlagafrumvarpið hefst á þingi á eftir.

Mataræði Íslendinga versnar og allt of fáir fara eftir ráðleggingum landlæknis, segir verkefnastjóri næringar. 70 prósent fullorðinna hér á landi eru í yfirþyngd eða með offitu.

Ein umsvifamesta vátryggingamiðlun landsins, Tryggingar og ráðgjöf, var staðin að því að fara á svig við lög en er þó enn að. Þúsundir Íslendinga hafa keypt tryggingar og fært lífeyri sinn til erlendra tryggingafélaga í gegnum miðlunina.

Frávísanir á landamærum Íslands hafa margfaldast frá 2021. Flestir sem var vísað frá voru frá Albaníu, Georgíu og Bandaríkjunum.

Tvær árásir voru gerðar á fyrsta skipið sem Bandaríkjamenn réðust á við Venesúela í byrjun september. Þetta var upphafið að hrinu slíkra árása. Tveir skipverjar höfðu lifað fyrri árásina af.

Það er titringur í sjávarplássum sem treysta á skelbætur og línuívilnun, eftir að ráðherra úthlutaði þeim helmingi minna en í fyrra. Ekki er enn ljóst hversu mikið strandveiðimenn fá að veiða á komandi sumri.

Formaður landskjörstjórnar segir enn langt í að hægt sé að kjósa alfarið rafrænt hér á landi.

Milliriðlakeppni heimsmeistaramóts kvenna í handbolta hefst í dag. Íslenska landsliðið mætir liði Svartfjallalands í fyrsta leik sínum í milliriðlinum.

Frumflutt

2. des. 2025

Aðgengilegt til

Rennur ekki út

• 00:01:39 Fjárlög
• 00:04:09 Mataræði Íslendinga að versna
• 00:06:06 Kveikur um tryggingamiðlun
• 00:08:04 Samgönguáætlun
• 00:08:51 Frávísanir á landamærum Íslands hafa margfaldast á
• 00:10:20 Bílvelta á Suðurstrandarvegi
• 00:10:41 Gerðu tvisvar árás á sama skipið við Venesúela
• 00:12:59 Skelbætur
• 00:15:55 Rafrænar kosningar ekki handan við hornið
• 00:17:35 Úkraína í dag
• 00:18:17 Íþróttir m

Útvarpsfréttir.