Ísraelsku verkalýðsfélagi sem staðið hefur fyrir allsherjarverkfalli í morgun hefur verið gert að slíta því fyrr en áætlað var. Verkfallið var boðað til að þrýsta á stjórnvöld að semja um lausn gísla sem eru í haldi Hamas á Gaza.
Tvær líkamsárásir þar sem ungmenni koma við sögu eru til rannsóknar hjá lögreglu eftir helgina. Mikil umræða er í samfélaginu um ofbeldi meðal ungmenna.
Nemendur í Verslunarskólanum klæddust bleiku í morgun til að minnast skólasystur sinnar sem lést um helgina eftir stunguárás á menningarnótt. Formaður nemendafélagsins segir mikinn samhug meðal nemenda.
Fimmfalt fleiri en áður geta nú verið í lyfjameðferð við alvarlegri ópíóíðafíkn, samkvæmt nýjum samningi sem undirritaður var í dag. Forstjóri SÁÁ segir þetta skipta sköpum fyrir skjólstæðinga samtakanna.
Stjórnarmaður sambands ungra sjálfstæðismanna sakar flokksforystuna um ritsskoðun. Forystan geti ekki horfst í augu við slakt fylgi í skoðanankönnunum.
Boðað hefur verið til skyndifundar í Moderaterne, einum stjórnarflokkanna í Danmörku vegna ásakana um slæman vinnuanda, einelti og áreitni. Málið hefur verið sent danska vinnueftirlitinu.
Sonja Sigurðardóttir syndir í úrslitum 50 metra baksunds á Ólympíumóti fatlaðra í París síðdegis. Allt íslenska sundfólkið á mótinu hefur komst í úrslit.
