Hádegisfréttir

Hádegisfréttir 14. janúar 2025

Fjölgað verður í herliði Dana á Grænlandi á næstunni, segir varnarmálaráðherra Danmerkur. Utanríkisráðherrar Danmerkur og Grænlands hitta varaforseta og utanríkisráðherra Bandaríkjanna í Washington í dag á fundi þar sem mikið er talið í húfi.

Íranar eru tilbúnir að gera árásir á herstöðvar Bandaríkjanna í nágrannalöndum sínum ef Bandaríkin skerast í leikinn í blóðugum mótmælum sem geisa í Íran. Mannréttindasamtök segja að á þriðja þúsund hafi verið drepnir í mótmælunum.

Niðurstöður Gerðardóms í kjaradeilu flugumferðarstjóra eru súrsætar segir formaður flugumferðarstjóra.

Dósent við kennaradeild Háskólans á Akureyri gagnrýnir orð Ingu Sæland, nýs mennta- og barnamálaráðherra, um lestrarkennslu barna; ráðherra skorti læsi á málefni ráðuneytisins.

Bið eftir augasteinaaðgerð hefur lengst töluvert síðustu ár; á fjórða þúsund hefur beðið í meira en ár.

Ásgeir Jónsson hefur bæst í hóp seðlabankastjóra sem heita stuðningi við bandaríska seðlabankastjórann.

Enginn hefur enn boðið sig fram til formennsku í Framsóknarflokknum. Kjósa nýjan formann eftir mánuð.

Tveimur talmeinafræðingum á Reykjalundi hefur verið sagt upp. Þjónustunni verður útvistað í hagræðingarskyni.

90 prósent landsmanna voru ánægð með Áramótaskaupið. Það er mesta ánægja síðan Maskína hóf mælingar á viðhorfi til Skaupsins.

Júlía Sylvía Gunnarsdóttir og Manuel Piazza keppa í dag á EM í listdansi á skautum. Þetta er í annað sinn sem parið keppir á Evrópumóti.

Frumflutt

14. jan. 2026

Aðgengilegt til

Rennur ekki út

• 00:01:46 Fundur Grænlands, Danmerkur og Bandaríkjanna
• 00:05:06 Íranar og Bandaríkjamenn hóta árásum
• 00:06:45 Gerðardómur úrskurðar í kjaradeilu flugumferðarstj
• 00:07:22 Segir Ingu Sæland skorta læsi á málaflokkinn
• 00:09:25 Fjölgun á biðlista eftir augasteinsaðgerð
• 00:10:58 Ásgeir lýsir einnig yfir stuðningi við Powell
• 00:12:24 Á þriðja tug fórst þegar krani féll á lest
• 00:12:46 Skortur á formannsefnum í Framsókn
• 00:14:45 Fyrsti þingfundur ársins
• 00:15:09 Baltasar Samper látinn
• 00:16:25 Talmeinafræðingum sagt upp á Reykjalundi
• 00:16:56 Clinton-hjónin neita að bera vitni um Epstein
• 00:18:25 Íþróttir

Útvarpsfréttir.