Hádegisfréttir

Hádegisfréttir 24. júní 2025

Vopnahlé milli Ísraels og Írans sem tilkynnt var um í morgun virðist þegar farið út um þúfur. Bandaríkjaforseti varar ísraelsk stjórnvöld við að ráðast á Íran.

Árlegur leiðtogafundur Atlantshafsbandalagsins hefst í Hollandi dag. Viðamikil áætlun um aukin útgjöld til varnarmála liggur fyrir fundinum.

Samtal um afgreiðslu mála og þinglok getur ekki haldið áfram nema forsætisráðherra dragi orð sín í Kastljósi í gær til baka eða leiðrétti, segir þingflokksformaður Sjálfstæðisflokks.

Umhverfisráðherra segir til skoðunar að veita eftirlitsstofnunum heimild til að sekta verslanir fyrir að selja vörur sem innihalda skaðleg efni.

Mjófirðingar telja að laxeldi sé helsta tækifærið til að skapa atvinnu og fjölga fólki í firðinum og gagnrýna að eldisleyfi hafi enn ekki verið boðin út, fimm árum eftir að slíkt var heimilt. Bæjarráð Fjarðabyggðar vill að stjórnvöld rjúfi kyrrstöðuna.

Fyrstu makrílfarmarnir eru komnir á land á þessari vertíð en veiðin hófst í síðustu viku. Það tekur um einn og hálfan sólarhring að sigla á miðin en öll veiðin er í Smugunni.

Evrópubikarmót í frjálsíþróttum hefst í dag í Maribor í Slóveníu, Ísland á 33 keppendur og gæti komist upp í aðra deild.

Frumflutt

24. júní 2025

Aðgengilegt til

Rennur ekki út

Útvarpsfréttir.