Hádegisfréttir

Hádegisfréttir 28. desember 2023

Fyrsta formlega fundi Samtaka atvinnulífsins og félaga um níutíu og þriggja prósenta 93% launafólks innan Alþýðusambands Íslands lauk rétt fyrir fréttir. Í sameiginlegri yfirlýsingu segir að eitt mikilvægasta verkefnið sé að ná verðbólgunni niður. Allir verði að leggjast á eitt.

Margar sviðsmyndir eru fyrir hugsanlegt gos á Reykjanesskaga. Nýtt hættumatskort verður birt á morgun. Enn eru miklar líkur á eldgosi.

Tvær lyftur verða opnaðar fyrr í Bláfjöllum í dag til að anna eftirspurn og dreifa álagi. Að minnsta kosti fimm þúsund lögðu leið sína í Bláfjöll í gær.

Heildsölverð mjólkurvara hækkar eftir áramót. Það er fjórða hækkun Mjólkursamsölunnar á einu ári. Lágmarksverð til til bænda hækkar um 2,25 prósent, samkvæmt ákvörðun Verðlags­nefndar búvara. Formaður Landsambands kúabænda hefði viljað meiri hækkun.

Ellefu hafa verið ákærðir í máli sem ákæruvaldið í Svíþjóð segir vera stærsta umhverfisglæp í landinu í hálfa öld.

Gagnaver við rætur Hlíðarfjalls á Akureyri gæti meira en tvöfaldast að stærð, gangi áform fyrirtækisins At North eftir. Bæjarráð tekur málið til umfjöllunar eftir áramót.

20 fyrirtæki sýndu áhuga á að fá mögulegt sérleyfi til að byggja upp grunnaðstöðu við Jökulsárlón. Ferðamálafélag Hornafjarðar hefur safnað hátt í tveimur milljörðum í hlutafjárloforð til að stofna félag sem getur keppt um verkið.

Frumflutt

28. des. 2023

Aðgengilegt til

Rennur ekki út

• 00:01:34 Kjaraviðræður
• 00:04:40 Staðan í Grindavík
• 00:06:46 Einn stærsti dagurinn í Bláfjöllum
• 00:08:42 Umhverfisskandall í Svíþjóð
• 00:10:05 Mjólkurvörur hækka í janúar
• 00:12:30 Vilja tvöfalt stærra gagnaver á Akureyri
• 00:14:05 40 látnir í Líberíu
• 00:14:31 Gróði við Jökulsárlón styrki nærsamfélagið
• 00:16:55 Húsvískir sjómenn krefjast samninga
• 00:17:21 Íþróttir
• 00:20:15 Veður
• 00:20:37 Seinni helst

Útvarpsfréttir.