Hádegisfréttir

Hádegisfréttir 15. desember 2023

Öllum starfsmönnum Menntamálastofnunar, á fimmta tug talsins, hefur verið sagt upp störfum. Stofnunin verður lögð niður á næsta ári með tilkomu nýrrar Miðstöðvar menntunar og þjónustu. Forstjórinn telur að margir starfsmenn eigi eftir að fylgja sér til nýrrar stofnunar.

Verkfallsboðun flugumferðarstjóra á mánudag er lögmæt að mati félagsdóms.Tekist var á um það í málinu hvað teldist eðlilegur nútímasamskiptamáti og hvort fólki væri skylt að vakta tölvupóst á frídögum.

Forsætisráðherra Ungverjalands beitti neitunarvaldi á leiðtogafundi Evrópusambandsins í nótt, og stöðvaði þannig áform um aðstoð fyrir Úkraínu sem nemur tugum milljarða evra. Hann steig hins vegar til hliðar á meðan aðrir leiðtogar innan ESB samþykktu að bjóða Úkraínu að hefja aðildarviðræður.

Mæðrastyrksnefnd í Reykjavík úthlutar matargjöfum í dag. Þrátt fyrir mikla verðbólgu og dýrtíð hefur ekki dregið úr framlögum frá fólki og fyrirtækjum.

Útgefandi breska götublaðsins Mirror var í morgun dæmdur til að greiða Harry Bretaprins jafnvirði 25 milljóna króna í skaðabætur. Blaðamenn brutust inn í síma prinsins í þeim tilgangi að flytja fréttir af honum.

Jólaútvarp Grunnskólans í Borgarnesi sendir út dagskrá, þrítugustu og fyrstu aðventuna í röð. Öll dagskrárgerð og tæknivinna er í höndum nemenda.

Frumflutt

15. des. 2023

Aðgengilegt til

Rennur ekki út

• 00:01:30 Uppsagnir á Menntamálastofnun
• 00:03:20 Félagsdómur flugumferðarstjórar
• 00:05:22 Leiðtogafundur ESB
• 00:08:15 Hryðjuverkaógn í Evrópu
• 00:09:48 Verðmæti byggðakvótans nýtt betur
• 00:12:02 Mæðrastyrksnefnd
• 00:13:45 Heitu vatni hleypt á Eiða í dag
• 00:14:36 Harry Bretaprins fær skaðabætur frá Mirror
• 00:16:22 Styrkur til dreifbýlisverslana
• 00:16:55 Jólaútvarp Grunnskólans í Borgarnesi
• 00:18:55 Íþróttir
• 00:20:36 Veður
• 00:20:54 Seinni helst

Útvarpsfréttir.