Hádegisfréttir

Hádegisfréttir 12. janúar 2024

Átta slösuðust, þar af tveir alvarlega, í bílslysi skammt frá Skaftafelli. Tvær þyrlur voru kallaðar til. Vegurinn er lokaður en búið er að opna hjáleið.

Leit að manni sem féll ofan í sprungu í Grindavík í fyrradag stendur yfir. Talið var óhætt að halda áfram í morgun eftir grjóthrun sem varð í gærkvöld.

Málflutningur fulltrúa Ísraels stendur yfir í Alþjóðadómstólnum í Haag. Suður-Afríka kærði Ísrael fyrir þjóðarmorð á Gaza. Þúsundir hafa skrifað undir áskorun til íslenskra stjórnvalda um að styðja mál Suður-Afríku

Uppreisnarsveitir Húta í Jemen segja að árásum Bandaríkjamanna og Breta verði svarað af hörku. Þær voru gerðar til að draga úr mætti Húta til að halda áfram árásum á skip á siglingu um Rauðahaf.

Jarðskjálftar hafa ekki mælst við Grímsvötn frá miðnætti. Hlaup er þó vaxandi og gæti náð hámarki á sunnudag. Auknar líkur eru taldar á eldgosi.

Sinfóníuhljómsveit Íslands þarf að greiða fyrrverandi fiðluleikara tæpar þrjár komma þrjár milljónir og rúma milljón í málskostnað. Fiðluleikaranum var sagt upp þar sem stjórn hljómsveitarinnar taldi að það gæti stofnað orðspori hennar í hættu að hafa hann áfram við störf.

Neyslurými á föstum stað verður opnað í Reykjavík í vor. Deildarstjóri Rauða kross Íslands segir mikla þörf fyrir þjónustuna.

Ísland spilar fyrsta leik sinn á EM karla í handbolta í dag. Andstæðingarnir eru lið Serba.

Frumflutt

12. jan. 2024

Aðgengilegt til

Rennur ekki út

• 00:01:55 Alvarlegt slys við Skaftafellsá
• 00:03:05 Leitin í Grindavík
• 00:05:03 Fannar segir aðstæður erfiðar
• 00:05:55 Réttarhöld um þjóðarmorð í Haag
• 00:08:11 Kjaramál
• 00:09:33 Ráðist á Húta í Jemen
• 00:11:31 Íþróttir
• 00:13:51 Staðan á Grímsvötnum
• 00:14:57 Sinfó mátti ekki segja upp fiðluleikara m
• 00:17:10 RKÍ fær lóð undir neyslurými
• 00:18:56 Kostar Kjósarhrepp 20 milljónir
• 00:20:31 Veður
• 00:20:53 Seinni helst

Útvarpsfréttir.