Hádegisfréttir

Hádegisfréttir 24. mars 2025

Rússneskir og bandarískir erindrekar ræða um vopnahlé í Úkraínu á fundi í Sádi-Arabíu. Þeir eru misvongóðir um að nokkur niðurstaða fáist.

Kvikmyndaskóli Íslands er gjaldþrota. Stjórnendur skólans funda með ráðamönnum í dag. Rektor segir allt kapp lagt á að halda starfseminni gangandi.

Lögreglustjóri á Norðurlandi eystra hefur áhyggjur af öryggi lögreglumanna, vegna fjölgunar alvarlegra ofbeldisbrota. Maður ók viljandi á lögreglubíl nýverið og annar réðst á lögreglumann með hnífi.

Formaður landstjórnar Grænlands er afar ósáttur við heimsókn bandarískrar sendinefndar, sem fyrirhuguð er í vikunni. Tvær herflugvélar með brynvarða bíla um borð lentu í Nuuk í gær til að taka út öryggismál.

Eldur hefur kviknað átta sinnum hjá endurvinnslufyrirtækinu Hringrás, síðast í gær. Framkvæmdastjóri Hringrásar segir brunavarnir fyrirtækisins samræmast lögum.

Framkvæmdastjóri Vestfjarðastofu segir ríkið þurfa að stíga inn í rekstur áætlunarflugs til Vestfjarða. Ein hugmynd sé að reka flugvélar eins og ferjur, þar sem ríkið eigi tækin og bjóði út reksturinn.

Kostnaður við að safna saman notuðum fötum og textíl leggst á sveitarfélög án þess að þau fái nokkrar tekjur á móti. Verkefnastjóri umhverfismála hjá Múlaþingi segir að innleiða þurfi hvata til að minnka textílúrgang.

Íslandsmót karla í íshokkí er í uppnámi eftir að Skautafélagi Akureyrar var dæmdur sigur í leik gegn Skautafélagi Reykjavíkur. Þriðja liðið kærði leikinn vegna leikmanns á skrá -- sem kom þó aldrei inn á völlinn.

Frumflutt

24. mars 2025

Aðgengilegt til

Rennur ekki út

• 00:01:53 Rússar og Bandaríkjamenn funda
• 00:03:32 Ekki fjallað um mál Ásthildar Lóu
• 00:04:17 Kvikmyndaskóli Íslands gjaldþrota
• 00:05:43 Manni kastað fram af svölum
• 00:07:27 Óánægja með heimsókn Bandaríkjamanna til Grænlands
• 00:09:23 Áttundi bruninn hjá Hringrás
• 00:10:57 Vestfirðingar vilja að ríkið bjóði út áætlunarflug
• 00:12:46 Han Duck-soo
• 00:13:57 25 menntamálaráðherrar á Íslandi
• 00:14:29 Sveitarfélög sitja uppi með föt
• 00:16:21 Skjóta upp eldflaug í Noregi
• 00:17:04 Nóttin hjá björgunarsveitum
• 00:17:50 Íþróttir
• 00:19:52 Veður
• 00:20:26 Seinni helst

Útvarpsfréttir.