Hádegisfréttir

Hádegisfréttir 11. febrúar 2025

Vopnahlé á Gaza stendur tæpt. Hamas saka Ísraela um árásir og ætla ekki að láta gísla lausa um helgina. Bandaríkjaforseti segir að fjandinn verði laus verði gíslunum ekki sleppt.

Oddvitar vinstri flokkanna í borgarstjórn sitja á óformlegum fundi; að óbreyttu er eini möguleikinn fimm flokka vinstri stjórn.

Enginn fundur er boðaður í dag í kjaradeilu kennara og sveitarfélaga og víðtækari verkföll ekki útilokuð. Verkfallsboðun í fimm framhaldsskólum stendur.

Íslenski velgerðasjóðurinn Aurora dró sig út úr verkefni í sjávarútvegi í Sierra Leone vegna spillingar. Framkvæmdastjóri sjóðsins segir að ráða- og áhrifamenn í Afríkuríkinu hafi viljað fá greitt undir borðið til að liðka fyrir viðskiptum.

Hættumat vegna jarðhræringanna á Reykjanesi er óbreytt. Náttúruvársérfræðingur á Veðurstofu Íslands segir kviku í kvikuhólfinu undir Svartsengi komna að neðri mörkum. Gosið gæti í þessari eða næstu viku.

Utanríkisráðherra mælir fyrir bókun 35 á alþingi í dag, um vægi EES-gerða gagnvart íslenskum lögum, á fyrsta hefðbundna starfsdegi þingsins síðan í nóvember.

Um 50 tré verð felld í Öskjuhlíð í vikunni til að auka flugöryggi á Reykjavíkurflugvelli.

Frumflutt

11. feb. 2025

Aðgengilegt til

Rennur ekki út

• 00:01:34 Viðkvæmt vopnahlé
• 00:03:12 Viðræður um borgarstjórnarmeirihluta
• 00:04:48 Kennarakjaradeilur
• 00:06:44 Sjávarútvegsverkefni strandar á spillingu
• 00:08:34 Spillingarlisti Transparency International
• 00:09:21 Kvikuhólfið að fyllast
• 00:11:11 Þingið í dag
• 00:13:01 Lokatilraun til loðnuleitar
• 00:14:01 Tré felld í Öskjuhlíð
• 00:16:26 Hætta vegna Rússlands
• 00:16:52 Orsök veikinda á þorrablótum kunn
• 00:17:21 Danir högnuðust á námugreftri í Grænlandi
• 00:18:52 Íþróttir

Útvarpsfréttir.