Hádegisfréttir

Hádegisfréttir 22. febrúar 2024

Aukið fjármagn þarf til að aðgerðir ríkisstjórnarinnar í útlendingamálum verði að veruleika, segir verkefnastjóri í Reykjanesbæ. Bæjarstjóri Hafnarfjarðarbæjar segir að þær minnki ekki álag á innviði bæjarins á næstunni en hugsanlega til lengri tíma.

Afgreiða á frumvarp fjármálaráðherra um kaup á íbúðarhúsnæði í Grindavík á Alþingi í dag. Ráðherra segir þetta hafa mikil áhrif á stöðu ríkissjóðs og endurskoða þurfi fjármálaáætlun.

Kalt vatn er komið á hafnarsvæðið í Grindavík. Fullum þrýstingi verður ekki hleypt á kerfið strax en þá ætti að koma í ljós hversu mikið tjón varð á vatnsveitunni.

Ólögmætt samráð Eimskips og Samskipa kostaði íslenskt samfélag tæplega 62 milljarða króna. Formaður Neytendasamtakanna segir þetta ótrúlegar upphæðir og alvarlegt að fyrirtæki komist upp með slíkt.

Rússar tilkynntu í morgun að þeir hefðu lagt undir sig þorp í Austur-Úkraínu. Dönsk stjórnvöld hafa tilkynnt stuðning til Úkraínu næstu tíu árin.

Staðan í fráveitumálum Hvergerðinga er grafalvarleg og frekari uppbygging í bænum sögð ómöguleg nema bætt verði úr. Bærinn áformar að verja hálfum milljarði í fráveitu.

Grænland kynnti í gær nýja stefnu í utanríkis,- öryggis- og varnarmálum til næstu tíu ára. Þar er meðal annars stefnt að því að draga úr spennu á Norðurslóðum og auka samstarf við Norður-Ameríku og Ísland.

Sjálfvirkt meðalhraðaeftirlit var tekið í notkun í Hvalfjarðargöngunum í dag. Forstöðumaður hjá Vegagerðinni segir tilganginn ekki að hanka fólk heldur auka umferðaröryggi.

Frumflutt

22. feb. 2024

Aðgengilegt til

Rennur ekki út

• 00:01:50 Reykjanesbær og Hafnarfjörður um útlendingastefnu
• 00:04:34 Alþingi - uppkaup húsnæðis í Grindavík
• 00:07:08 Grindavík - kalda vatnið komið á hluta bæjarins
• 00:09:26 Tjón vegna samráðs skipafélaganna
• 00:11:10 Rússar ná nýju þorpi
• 00:13:14 Fráveitumál Hvergerðinga
• 00:14:35 Grænland vill meira samstarf við Ísland
• 00:16:17 Meðalhraðaeftirlit í Hvalfjarðargöngum
• 00:17:41 Tilnefningar Bókmenntaverðlaun Norðurlandaráðs
• 00:18:15 Íþróttir
• 00:20:17 Veður
• 00:20:39 Seinni helst

Útvarpsfréttir.