Hádegisfréttir

Hádegisfréttir 20. september 2025

Forseti Úkraínu ætlar að ræða öryggistryggingar og refisiaðgerðir gegn Rússum við forseta Bandaríkjanna í næstu viku. Þrír voru drepnir í drónaárásum Rússa á Úkraínu í nótt.

Á annað hundrað skip voru svipt haf-færisskírteinum á miðnætti því óvíst var hvort björgunarbúnaður þeirra væri í lagi. Rannsókn á banaslysi í sumar varð til þess að ábending barst frá rannsóknarnefnd samgönguslysa, en slíkt er afar sjaldgæft.

Netárás hefur valdið miklum töfum á þremur af helstu flugvöllum Evrópu það sem af er degi. Tafirnar eru mestar í Brüssel þar sem minnst tíu flugferðum hefur verið aflýst.

Forysta Viðreisnar verður að öllum líkindum óbreytt eftir landsþing flokksins um helgina. Þingmaður flokksins leggur til að nafni flokksins verði breytt í Viðreisn-frjálslyndir demókratar.

Ýmislegt varðandi nýlegar og fyrirhugaðar breytingar á útlendingamálum er áhyggjuefni. Þetta segir talsmaður Rauða krossins sem segir innviðaskuld hafa myndast í íslenskukennslu fyrir útlendinga.

Baskasetur Íslands verður opnað við hátíðlega athöfn á Djúpavík á Ströndum í dag.

Kúluvarparinn Erna Sóley Gunnarsdóttir kastaði í undankeppni á HM í frjálsum íþróttum í Tókýó í nótt. Hún kastaði lengst sextán komma áttatíu og sjö metra og var langt frá sínu besta.

Frumflutt

20. sept. 2025

Aðgengilegt til

Rennur ekki út

Útvarpsfréttir.