Á annan tug kafara hafa unnið að því undanfarna daga að tryggja vatnslögnina til Vestmannaeyja. Hætta er á að lögnin rofni alveg og er hættuástand almannavarna enn í gildi.
Þýskur ferðamaður lét lífið og tveir aðrir særðust í árás í Frakklandi í gærkvöld. Maður vopnaður hnífi og hamri réðist á hóp fólks í miðborg Parísar. Lögregla þekkti til árásarmannsins og segir þetta hryðjuverkaárás.
Mikið erum umgangspestir í samfélaginu og mest um covid-sýkingar. Sóttvarnalæknir hvetur fólk til að bólusetja sig og börn sín gegn inflúensu til að koma í veg fyrir alvarlegar bakteríusýkingar.
Minnst 160 létu lífið í tveimur árásum Ísraelshers á fjölbýlishús á Gasa í gær. Varaforseti Bandaríkjanna segir mannfall meðal almennra borgara í árásum Ísraelshers á Gasa alltof mikið.
Félagasamtök og einstaklingar deila á frumvarp forsætisráðherra um sanngirnisbætur. Sérstaklega er gagnrýnt að hámarksbætur verða helmingi lægri en fyrri lög kváðu á um.
Bíó Paradís hlaut í morgun Hvatningarverðlaun ÖBÍ fyrir að vinna að bættu aðgengi fyrir ólíka hópa.
