Hádegisfréttir

Hádegisfréttir 3. mars 2025

Vopnahléið á Gaza er í uppnámi og framhaldið óljóst. Sameinuðu þjóðirnar og Arabaríki fordæma ísraelsk stjórnvöld fyrir að stöðva flutning hjálpargagna til Gaza.

Milljónatjón varð á Fiskislóð í Vesturbæ Reykjavíkur þar sem sjór gekk á land. Rekstraraðili segir Faxaflóahafnir ítrekað hafa verið varaðar við veikleikum í brimgarði en ekkert aðhafst. Björgunarsveitir sinntu tugum útkalla í nótt vegna óveðursins sem gekk yfir landið.

Tuttugu og þremur af tuttugu og átta starfsmönnum sláturhússins á Blönduósi var sagt upp á föstudag. Uppsagnirnar eru sorgarfréttir fyrir samfélagið segir sveitarstjóri. Framkvæmdastjóri Kjarnafæði Norðlenska segir uppsagnirnar lið í nauðsynlegum hagræðingaraðgerðum.

Kvikmyndin Anora var sigurvegari næturinnar á Óskarsverðlaunahátíðinni. Mikey Madison var valin besta leikkonan og Adrien Brody besti karlleikarinn

Í dag er bolludagur og landsmenn belgja sig út af bollum af öllum stærðum og gerðum.

Dregið var í undanúrslit bikarkeppninnar í körfubolta í dag, bæði í karla- og kvennaflokki. Sigursælustu karlalið keppninnar voru í pottinum en hjá konunum má segja að óreyndari lið mæti í úrslitavikuna.

Frumflutt

3. mars 2025

Aðgengilegt til

Rennur ekki út

• 00:00:00 Íþróttir
• 00:01:25 Fordæma stöðvun hjálpargagna til Gaza
• 00:03:31 Mikið um útköll vegna óveðursins
• 00:05:24 Tjón á Fiskislóð
• 00:06:18 Björguðu ferðamanni af Hólmatindi
• 00:07:41 Hópuppsagnir á Blönduósi
• 00:09:19 Loðnuráðgjöf
• 00:09:19 Fundað um fjárframlög
• 00:11:27 Guðrún Hafsteinsdóttir um styrkjamál
• 00:13:26 Margrét Sigfúsdóttir látin
• 00:14:05 Zelensky á heimleið
• 00:14:58 Bolludagurinn er í dag
• 00:16:46 Óskarsverðlaunin

Útvarpsfréttir.