Rúmlega sextíu hafa fundist látnir í miklum flóðum á Suður-Spáni. Í vinsælum ferðamannabæjum var úrkoman ógnarmikil - meðalúrkoma yfir allt árið féll á nokkrum klukkustundum. Kona sem býr í Valencia segir að flóðin hafi komið öllum að óvörum.
Verðbólga heldur áfram að minnka og er komin niður í fimm prósent. Vaxtalækkunarferlið er hafið og bara spurning hve stórt næsta skref Seðlabankans verður, segir hagfræðingur.
Engir formlegir samningafundir standa yfir í kjaradeilu kennara við ríki og sveitarfélög. Þess í stað eru í dag svokallaðir vinnufundir vegna sveitarfélaganna, en í gær var sjónum beint að ríkinu. Verkfall er í níu skólum.
Saksóknarar í Georgíu ætla að rannsaka ásakanir stjórnarandstöðunnar og forseta landsins um kosningasvindl í þingkosningum á laugardag. Forsetinn hefur verið kallaður til yfirheyrslu á morgun og verður beðinn að leggja fram sönnunargögn.
Bann við starfsemi Palestínuflóttamannahjálparinnar hefur hrikalegar afleiðingar, segir aðalframkvæmdastjóri Sameinuðu þjóðanna. Sem hernámsríki beri Ísrael að tryggja að þörfum fólksins sé sinnt.
Þeir sem ætla að bjóða fram í alþingiskosningunum hafa til hádegis á morgun til að skila gögnum til landskjörstjórnar. Við litum við á einum mótttökustaðnum rétt fyrir fréttir.
Rithöfundi var meinaður aðgangur að blaðamannafundi Zelenskys Úkraínuforseta í Alþingishúsinu í gær, þrátt fyrir að vera á gestalista. Hann hefur eftir lögreglu að hann sé á svörtum lista Alþingis.
Valur tapaði í gær gegn þýska toppliðinu Melsungen í Evrópudeildinni í handbolta á Hlíðarenda
