Hádegisfréttir

Hádegisfréttir 18.ágúst 2025

Leikskólastarfsmaður, sem var handtekinn í síðustu viku, var í fyrra undir sérstöku eftirliti á Múlaborg, eftir að tilkynning um sérkennilegt háttalag hans í kringum börn barst leikskólastjóra.

Evrópusambandið hefur frestað gildistöku tolla sem leggja átti á járnblendi frá Íslandi og Noregi. Tollarnir áttu að taka gildi á morgun.

Fundar forseta Úkraínu og annara leiðtoga í Evrópu með Bandaríkjaforseta í dag, er beðið í ofvæni, en engu að síður telja fáir að bundinn verði þar endi á stríðið. Trump segir Zelensky geta lokið stríði í Úkraínu, vilji hann það, en Zelensky segir að það sé Rússa.

Norskir kafarar koma til landsins á morgun til að leita strokulaxa. Beðið er niðurstöðu erfðarannsóknar á meintum eldislöxum áður en frekari aðgerðir verða ákveðnar.

Háskólar og framhaldsskólar landsins hófust í morgun með tilheyrandi umferðarþunga.

Dagskrá Menningarnætur lýkur klukkutíma fyrr en áður. Reykjavíkurborg fór í forvarnarátak í aðdraganda hátíðarinnar.

Frumflutt

18. ágúst 2025

Aðgengilegt til

Rennur ekki út

Útvarpsfréttir.