Fundað er í karphúsinu, fimmta daginn í röð. Formaður Starfsgreinasambandsins segir vinnu miða vel en á von á því að það taki nokkra daga til viðbótar að landa samningum.
Ísraelsk stjórnvöld samþykktu drög að samningi um vopnahlé í gær og stefnt er á að halda viðræðum áfram í Katar. Heilbrigðisráðuneyti Hamas segir minnst 86 hafa verið drepna í árásum Ísraelshers síðsta sólarhringinn.
Donald Trump hafði betur gegn Nikki Haley á hennar heimavelli í Suður-Karólínu í gær. Trump hefur tryggt sér sigur í öllum þeim fjórum ríkjum þar sem forvali Repúblikana er lokið.
Viðbúið er að kostnaður við matvælaframleiðslu hækki umtalsvert á næstu árum vegna krafna um breytta búskaparhætti vegna loftslagsbreytinga. Mótmæli bænda snúast meðal annars um verri afkomu vegna aukinna krafna frá yfirvöldum.
Konudagurinn er í dag og nóg um að vera í blómabúðum landsins.
Kosið er til málamynda í Hvíta-Rússlandi í dag. Forsetinn Aleksander Lukashenka tilkynnti við það tilefni að hann ætli að bjóða sig aftur fram á næsta ári.
Færeyingar fylla skíðabrekkurnar í Hlíðarfjalli þessa dagana. Margir þeirra nota tækifærið til að heimsækja frændfólk á Akureyri.
Fimm lög eru komin í úrslit Söngvakeppninnar sem verða á næsta laugardag. Björgvin Halldórsson var tekinn inn í Heiðurshöll Söngvakeppninnar 2024.
Leikur Tyrklands og Íslands í undankeppni EM í körfubolta hefst innan skamms. Íslenska liðið freistar þess að fylgja eftir góðum sigri á Ungverjum.
