Örlög tillögu um að Ísland og Noregur fái ekki undanþágu frá verndartollum Evrópusambandsins ráðast sennilega á morgun . Utanríkisþjónustan leggur allt kapp á að tala við aðildarríki ESB.
Forstjóri Elkem-Íslands segir mikla óvissu um áhrif ákvörðunar ESB. Í versta falli þurfi að draga úr framleiðslu ef Ísland fær ekki undanþágu frá tollunum.
Fulltrúi Sjálfstæðisflokks í utanríkismálanefnd segir kolröng skilaboð að skrifa undir fyrirhugaða samstarfsyfirlýsingu við Evrópusambandið í varnarmálum á meðan sambandið brjóti gegn EES-samningnum.
Framkvæmdastjóri samtaka sveitarfélaga á höfuðborgarsvæðinu segir stjórnvöld og sveitarfélögin þurfa komast að samkomulagi um hvernig eigi að skipta. allt að 14 milljarða króna kostnaðaraukningu vegna lögfestingar samnings Sameinuðu þjóðanna um réttindi fatlaðs fólks.
Bandaríska fulltrúadeildin greiðir í næstu viku atkvæði um frumvarp um birtingu allra skjala sem tengjast máli barnaníðingsins Jeffreys Epstein. Auk þess þarf samþykki öldungadeildarinnar.
Menningarráðherra skoðar að herða viðurlög við dreifingu ólöglegra efnisveitna. Almenningur þurfi að átta sig á því að efni geti verið illa fengið.
Dyngjujöklull í norðanverðum Vatnajökli hefur hlaupið fram. Það gerðist síðast um aldamótin. Framhlaupið tengist ekki eldsumbrotum. Ekki ætti að vera á ferð á jöklinum.
