Lögreglan á höfuðborgarsvæðinu leitar tveggja þjófa sem brutust inn í bíl frá öryggisfyrirtæki í Kópavogi í gær og höfðu á brott með sér hátt í þrjátíu milljónir króna. Lögreglufulltrúi man ekki eftir að álíka máli.
Óttast er um afdrif minnst 20 manns, eftir að brú hrundi í Baltimore í Bandaríkjunum í nótt. Gámaflutningaskip hafði hafnað á einni undirstöðu hennar. Vatnið í ánni fyrir neðan er aðeins sex gráðu heitt.
Verðbólgan jókst á milli mánaða og mælist nú 6,8%. Húsnæði og matur vega hvað þyngst í hækkuninni. Forseti ASÍ segir að vextirnir séu farnir að næra verðbólguna.
Árásir Ísraelshers á Gaza hafa haldið áfram þrátt fyrir að öryggisráð Sameinuðu þjóðanna hafi ályktað um tafarlaust vopnahlé í gær. Lektor við HÍ segir að Ísrael myndi stíga nýtt skref, ef stjórnvöld kysu að hunsa ályktunina.
íbúum í Höfnum er ráðlagt að loka gluggum og slökkva á loftræstingu vegna gosmengunar. Framkvæmdastjóri bláa lónsins segir líklegt að lokun verði framlengd.
Farið hefur verið fram á áframhaldandi gæsluvarðhald yfir þremur sakborningum í umfangsmiklu mansalsmáli. Fjórir úr hópi meintra brotaþola hafa verið leiddir fyrir dómara til að gefa skýrslu.
Fyrri umræða um fjármálaáætlun ríkisstjórnarinnar til næstu fimm ára tefst um tæpar þrjár vikur. Meginástæðan er jarðhræringa á Reykjanesskaga og nýgerðra kjarasamninga.
Íslenska karlalandsliðið í fótbolta mætir Úkraínu í Wroclaw í Póllandi í kvöld. Ísland getur með sigri tryggt sér sæti á EM í Þýsklandi í sumar.
