Hádegisfréttir

Hádegisfréttir 15. febrúar 2025

Varaformaður stéttafélagsins Einingar- Iðju segir að starfsfólki ræstingarfyrirtækja hafi verið hótað uppsögnum samþykki það ekki launalækkanir. Tugir hafi leitað til stéttafélagsins vegna þessa.

Forseti Úkraínu ítrekaði í dag að Úkraínumenn skyldu fengnir að borðinu í hvers kyns friðarviðræðum um land þeirra. Hann segir ljóst að Evrópa geti ekki treyst á Bandaríkin og verði að stofna sameiginlegan og fjölþjóðlegan her.

Formaður Neytendasamtakanna hefur litla trú á hugmyndum um sameiningu Arion banka og Íslandsbanka, enda sé samkeppni á bankamarkaði svo gott sem engin, og því standist það enga skoðun að ætla að draga enn frekar úr henni.

Hamas-samtökin á Gaza slepptu þremur gíslum í morgun eins og fyrirhugað var og því heldur vopnahléð við Ísraela enn. Samkomulaginu var teflt í tvísýnu á mánudag þegar Hamas sakaði Ísraela um vanefndir og neituðu að sleppa fleiri gíslum.

Framkvæmdastjóri Rauða krossins á Íslandi segir fjármögnun alþjóðlegs hjálparstarfs í uppnámi vegna ákvörðunar Donalds Trumps, Bandaríkjaforseta, um lokun Þróunarsamvinnustofnunar landsins.

Hvalur hf. leggst gegn rannsókn Rastar í Hvalfirði, en Röst hefur óskað eftir leyfi til að dæla 30 tonnum af vítissóda í sjóinn þar í sumar. Hafrannsóknarstofnun mælir aftur á móti með því að rannsóknarleyfi verði veitt.

Frumflutt

15. feb. 2025

Aðgengilegt til

Rennur ekki út

• 00:00:00 Helst
• 00:01:40 Launalækkun ræstingafólks
• 00:03:49 Öryggisráðstefna í Munchen
• 00:05:46 Fjármögnun hjálparstarfs í uppnámi
• 00:07:02 Arion banki vill Íslandsbanka
• 00:09:21 Hamas sleppir gíslum
• 00:11:18 Vítissódi í Hvalfirði
• 00:13:42 Meirihlutaviðræður í Reykjavík
• 00:14:51 Borgarstjórn sýni ekki næga ábyrgð
• 00:16:48 Íþróttir

Útvarpsfréttir.