Hádegisfréttir

Hádegisfréttir 20. júlí 2024

Flugsamgöngur víða um heim eru enn í ólagi eftir viðamikla truflun sem varð á tölvukerfum þúsunda fyrirtækja í gær. Um fimmtán hundruð flugferðum hefur verið aflýst það sem af er degi.

Áform stjórnvalda um kílómetragjöld á öll ökutæki eru ósanngjörn gagnvart þeim sem kjósa að aka léttari og eyðsluminni bílum, að mati formanns FÍB.

Viðskiptaráð telur að stjórnvöld ættu að taka samræmd próf upp á ný. Nemendur með sömu einkunnir búi yfir mismikilli færni eftir því úr hvaða grunnskóla þeir koma.

Á annað hundrað hafa látið lífið í miklum mótmælum í Bangladesh. Útgöngubann er í gildi og lokað fyrir internetið.

Aðgerðarsinnar gagnrýna að boð til fulltrúa Ísraels á árlega friðarathöfn í Hiroshima hafi ekki verið dregið til baka. Þeir segja ekki rétt að bjóða þeim þangað samhliða stöðugum árásum Ísraelshers á Gaza.

Engin sátt virðist í sjónmáli um stöðu mála á Kýpur, fimmtíu árum eftir að tyrkneskar hersveitir réðust þar inn i kjölfar valdaráns grískra þjóðernissinna, sumarið 1974. Forseti Tyrklands segir enga ástæðu til að hefja aftur viðræður um sameiningu eyjarinnar.

Skálholtshátíðin er haldin í 75. skipti um helgina. Víglsubiskup í Skálholti segist reikna með að Guð leggi til gott veður.

Frumflutt

20. júlí 2024

Aðgengilegt til

Rennur ekki út

• 00:00:00 Helst
• 00:01:37 Tölvutruflun
• 00:02:22 Hættuleg líkamsárás
• 00:02:22 FÍB um kílómetragjald
• 00:04:31 Brotið gegn jafnræði í grunnskólum
• 00:06:16 Mótmæli í Bangladesh
• 00:07:48 Ósátt við boð til Ísraels á friðarathöfn
• 00:08:53 Fimmtíu ár frá innrás á Kýpur
• 00:10:55 Kveikt í húsi sem var ætlað flóttafólki
• 00:11:59 Skálholtshátíðin haldin í 75. sinn
• 00:13:55 Springsteen orðinn milljarðamæringur
• 00:14:24 Rithöfundasetur í Grímsey
• 00:16:43 Íþróttir

Útvarpsfréttir.