Hádegisfréttir

Hádegisfréttir 21. október 2024

Alþjóðaheilbrigðisstofnunin ætlar að hafa milligöngu um flutning á allt að þúsund konum og börnum sem eru í brýnni þörf fyrir læknisaðstoð frá Gaza. Mannréttindafulltrúi Sameinuðu þjóðanna óttast að Ísraelar séu að tortíma Palestínumönnum í norðurhluta Gaza.

Grindavíkurbær var opnaður almenningi í morgun. Lögreglustjórinn á Suðurnesjum segir þörf á frekari upplýsingagjöf til ferðamanna.

Bráðabirgðaúrslit í þjóðaratkvæðagreiðslu í Moldóvu benda til þess að tillaga um að festa aðild að Evrópusambandinu í stjórnarskrá landsins hafi fengið næfurþunnan meirihluta atkvæða, 50,4 prósent.

Línur halda áfram að skýrast í framboðsmálum. Flokkur fólksins gerir ráð fyrir að kynna sína lista í dag. Búist er við að Sjálfstæðisflokkurinn kynni framboðslista í Reykjavíkurkjördæmum á fimmtudag.

Hægt verður að sækja vegabréf og nafnskírteini í Hagkaup í Skeifunni frá og með deginum í dag. Framkvæmdastjóri hjá Þjóðskrá segir þetta bæta þjónustu við almenning og minnka álag á móttöku Þjóðskrár í Borgartúni.

Aron Pálmarsson hefur leikið sinn síðasta leik fyrir FH á tímabilinu, hann samdi í morgun við ungverska stórliðið Veszprém. Þetta er í annað sinn á farsælum ferli Arons þar sem hann skrifar undir samning við Veszprém. Hjá liðinu hittir hann fyrir liðsfélaga sinn í íslenska landsliðinu.

Frumflutt

21. okt. 2024

Aðgengilegt til

Rennur ekki út

• 00:01:31 Óttast tortímingu Palestínumanna á N-Gaza
• 00:03:06 Grindavík opnar
• 00:06:20 Naumur sigur ESB sinna í Moldóvu
• 00:08:53 Framboðslistar skýrast
• 00:10:33 Fethullah Gülen allur
• 00:11:43 Læknar óþreyjufullir
• 00:12:09 Rannsaka þarf heimilisofbeldi strax
• 00:14:20 Þingmaður gerði hróp að Karli III
• 00:15:48 Forsetinn í Berlín
• 00:16:11 Dagmar Ýr nýr sveitarstjóri
• 00:16:42 Vegabréf í Hagkaup
• 00:18:21 Íþróttir
• 00:20:25 Veður
• 00:21:00 Seinni helst

Útvarpsfréttir.