Hádegisfréttir

Hádegisfréttir 7. febrúar 2025

Stjórnmálasamtök sem þáðu opinbera styrki án þess að fullnægja skilyrðum verða ekki krafin um endurgreiðslu. Fjármálaráðherra segir að fjármálaráðuneytið hafi ekki farið að lögum.

Stöðvfirðingar keppast við að bjarga verðmætum úr lekum húsum. Snjór frá því í morgun bráðnar hratt. Þjóðvegurinn milli Hafnar og Djúpavogs er lokaður vegna skemmda. Nærri tvö hundruð tjónstilkynningar af öllu landinu hafa borist tryggingafélögum. Búist er við að þær verði miklu fleiri. Um sjö hundruð björgunarsveitarmenn aðstoðuðu í illviðrinu.

Alþjóðlegi sakamáladómstóllinn fordæmir ákvörðun Bandaríkjaforseta um refsiaðgerðir gegn embættismönnum og starfsfólki dómstólsins. Dómstóllinn heitir því að starfa áfram í þágu milljóna fórnarlamba grimmdarverka um heim allan.

Lítið miðar í kjaradeilu kennara og hins opinbera, segir formaður samninganefndar sveitarfélaganna. Vopnabúrið sé tómt og komið að úrslitastundu í viðræðunum.

Músaskítur fannst í eldhúsi og músagildrur á þurrvörulager leikskólans Sælukots í eftirlitsferð heilbrigðisfulltrúa í nóvember. Leikskólanum var lokað tafarlaust. Leikskólastjórinn kærði þá ákvörðun en kærunni var vísað frá.

Bessastaðir verða opnir almenningi í kvöld í tilefni Safnanætur.

Dagný Brynjarsdóttir var í dag valin í íslenska kvennalandsliðið í fótbolta. Hún sagði í viðtölum í lok nóvember að henni sárnaði afskiptaleysi KSÍ eftir að hún eignaðist annað barn sitt.

Frumflutt

7. feb. 2025

Aðgengilegt til

Rennur ekki út

• 00:01:46 Krefja flokka ekki um endurgreiðslu
• 00:02:55 Björgunarsveitir um óveðrið
• 00:04:39 Allt í rúst í Stöðvarfirði
• 00:06:58 Tjón í veðrinu
• 00:08:14 Afleiðingar óveðursins
• 00:09:11 Áhrif á rafmagn
• 00:09:27 Skemmdir í Bláfjöllum
• 00:09:42 ICC svarar Bandaríkjunum
• 00:11:16 Ríkissaksóknari áfrýjar ekki dómi yfir Sigurjóni
• 00:12:14 Staðan í kjaraviðræðum kennara
• 00:14:21 Veikindi eftir þorrablót
• 00:14:45 Frumvarp sem heimilar gæludýrahald
• 00:16:39 Músaskítur í Sælukoti
• 00:17:17 Bessastaðir opnir í kvöld
• 00:18:49 Íþróttir
• 00:20:47 Veður
• 00:21:04 Seinni helst

Útvarpsfréttir.