Hádegisfréttir

Hádegisfréttir 7. júlí 2025

Bandaríkjaforseti segir góðar líkur á að friðarsamkomulag takist milli Ísraela og Hamas samtakanna á Gaza á næstu dögum. Hann fundar með forsætisráðherra Ísraels í dag.

Fátt bendir til þess að þinglok séu í nánd. Formenn þingflokkanna áttu fund með forseta Alþingis í morgun - þingmenn ræða enn veiðigjald í dag.

Kviku banki og Arion banki ætla að hefja samrunaviðræður. Kvika hafnaði ítrekaðri beiðni Íslandsbanka um viðræður.

Á þriðja tug hefur fengið magakveisu eftir að hafa tekið þátt í þríþrautarkeppni á Laugarvatni um helgina, þar sem synt var í vatninu. Keppnisstjórnin segir ástæðu til að kanna hvort vatnið hafi verið mengað.

Tillaga um vantraust á forseta framkvæmdastjórnar Evrópusambandsins verður rædd á Evrópuþinginu í Strassborg í dag. Nánast öruggt er að tillagan verði felld.

Ung kona lýkur í dag rúmlega 500 kílómetra göngu þvert yfir landið. Það kom henni á óvart hversu margir voru á ferðinni í svipuðum erindagjörðum.

Snörp jarðskjálftahrina hófst á Reykjaneshrygg í morgun og stendur enn. Upptök þeirra flestra eru nokkuð frá landi, um tíu kílómetra suðvestur af Geirfugladrangi.

Eldingaveður og haglél helltist óvænt yfir Seyðfirðinga í gær. Veðurfræðingur segir þetta afar sjaldgæft, en þar er sólin aftur farin að skína.

Landsliðskonur Íslands á EM í fótbolta eru staðráðnar í að koma sterkar til baka í lokaleiknum við Noreg á fimmtudagskvöld segir landsliðsþjálfarinn, þrátt fyrir svekkjandi tap í gær.

Frumflutt

7. júlí 2025

Aðgengilegt til

Rennur ekki út

• 00:00:00 Helst
• 00:01:38 Netanyahu heimsækir Trump
• 00:03:34 Þinglok - Í hljóðstofu
• 00:06:18 Kvika og Arion hefja samrunaviðræður
• 00:07:59 Flóðin í Texas
• 00:08:23 Tillaga um vantraust á Von der Leyen
• 00:10:10 Fjórir menn ekki ákærðir fyrir samræði við andlega
• 00:10:38 Magapest herjar á þríþrautarkeppendur
• 00:12:19 Jarðskjálftahrina í Árnesi
• 00:13:23 Dæmd fyrir þrefalt manndráp með eitursveppum
• 00:14:51 Eldingar og haglél á Austfjörðum
• 00:16:02 Klárar að ganga þvert yfir landið
• 00:17:56 Íþróttir

Útvarpsfréttir.