Hádegisfréttir

Hádegisfréttir 16. september 2025

Ísraelsher sækir fram í Gazaborg. Markmiðið er að hernema borgina að fullu og útrýma því sem Ísraelar segja síðasta vígi Hamas-samtakanna. Nefnd á vegum Sameinuðu þjóðanna segir Ísrael fremja þjóðarmorð á Gaza – en það er í fyrsta sinn sem Sameinuðu þjóðirnar nota það hugtak um hernað Ísraela.

Ríkið hefur fallið frá kröfum um eignarhald á þúsundum eyja og skerja um allt land. Landeigandi fagnar en bæjarstjórinn í Vestmannaeyjum er ósáttur við að ríkið ásælist enn allar eyjar kringum Heimaey.

Haraldur Þorleifsson, sem rampaði upp Ísland, er að fara af stað með sambærilegt verkefni í Úkraínu og Panama.

Spánn tekur ekki þátt í Eurovision nema Ísrael verði vísað úr keppninni. Spænska ríkissjónvarpið tilkynnti þetta formlega í morgun.

Rektor Háskólans á Akureyri segir liggja ljóst fyrir að verði af sameiningu skólans við Háskólann á Bifröst fái nýr skóli nýtt nafn. Engin ákvörðun hafi þó enn verið tekin um samruna.

Menntaskólinn við Sund tók í dag á móti færanlegum kennslustofum í stað skólahúsnæðis sem þurfti að loka vegna raka og myglu. Rúmlega tvö ár eru síðan mygla greindist.

Frumflutt

16. sept. 2025

Aðgengilegt til

Rennur ekki út

• 00:01:25 Innrás í Gazaborg
• 00:03:36 Ráðherrar um innrás og þjóðarmorð
• 00:06:01 Ríkið fellur frá kröfum í land
• 00:08:36 Rannsaka flugóhapp á Blönduósi
• 00:08:59 Haraldur rampar upp Úkraínu
• 00:11:34 Spánn ekki í Eurovison ef Ísrael verður með
• 00:13:19 MS fær færanlegar kennslustofur vegna mygluvanda
• 00:14:50 Viðræður um sameiningu háskóla standa enn m
• 00:16:36 Framkvæmdir halda áfram við Hvammsvirkjun (m)
• 00:17:58 Íþróttir (m)

Útvarpsfréttir.