Hádegisfréttir

Hádegisfréttir 6. júní 2025

Hafrannsóknastofnun leggur til að dregið verði úr þorskveiðum á næsta fiskveiðiári. Gert er ráð fyrir að viðmiðunarstofninn minnki á næstu árum.

Virði hlutabréfa í Tesla hefur hríðfallið vegna átaka Elons Musks og Donalds Trumps Bandaríkjaforseta. Ráðgafar forseta reyna að stilla til friðar.

Óvissustigi almannavarna vegna norðanáhlaups í vikunni hefur verið aflétt. Veðurstofan varar áfram við skriðuhættu en sérfræðingur á ofanflóðavakt segir að mesta hættan sé liðin hjá.

Þingmenn Miðflokksins boða langa umræðu um bókun 35. Hún verður rædd á Alþingi í dag. Samkvæmt starfsáætlun á að fresta þingi eftir viku.

Foreldrar leikskólabarna í Kópavogi gagnrýna að bæjarfélagið hafi hækkað leikskólagjöld, í annað sinn á árinu. Leikskólagjöld í Kópavogi eru þau hæstu á landinu. Bæjarfulltrúi segir að ekki standi til að lækka þau.

Umsóknir um alþjóðlega vernd það sem af er ári eru rúmlega helmingi færri en á sama tímabili í fyrra. Útlendingastofnun gerir ekki ráð fyrir sömu þróun út árið.

Ísland mætir Norður-Írlandi í keppni um sæti í A-deild í Þjóðadeild kvenna í fótbolta. Þorsteinn Halldórsson, þjálfari liðsins er bjartsýnn en segir að liðið sé með hugann við annað þessa stundina

Frumflutt

6. júní 2025

Aðgengilegt til

Rennur ekki út

• 00:01:27 Fiskveiðiráðgjöf
• 00:03:47 Viðbrögð Alþingis við veiðiráðgjöf
• 00:05:21 Samskipti Trumps og Musk
• 00:07:37 Óvissustigi aflétt
• 00:08:46 Af þingpöllum
• 00:10:59 Mismunur á leikskólagjöldum
• 00:13:10 Arne Bye dæmdur í 21 árs fangelsi
• 00:13:37 Umsóknum Úkraínumanna um vernd fækkar
• 00:15:31 Atvinnuvegaráðherra um réttindi hinsegin fólks
• 00:17:15 Vilja opna forngripasýningu á Stöð
• 00:17:53 Íþróttir

Útvarpsfréttir.