Hádegisfréttir

Hádegisfréttir 22. ágúst 2025

Hungursneyð er á norðurhluta Gaza strandarinnar. Sameinuðu þjóðirnar lýstu því formlega yfir í morgun. Framkvæmdastjórinn segir hungursneyðina vera manngerða hörmung.

Jökulhlaup er hafið úr Hafrafellslóni austan Langjökuls. Hlaupið rennur í farveg Svartár og þaðan í Hvítá í Borgarfirði.

Lögreglan fór í hádeginu fram á gæsluvarðhald yfir konu sem talin er tengjast hraðbankaþjófnaði í Mosfellsbæ á þriðjudag. Um tuttugu milljónir voru í hraðbankanum.

Forstjóri MAST segir ekki hægt að segja til um hve margir eldislaxar sluppu úr sjókví Arctic Fish í Dýrafirði eða afleiðingar þess. Bíða þurfi niðurstöðu greininga á fleiri löxum.

Fjármálaráðherra segir að ríkisstjórnin gæti þurft að stíga stærri skref en til stóð í fjármálaáætlun vegna stýrivaxtaákvörðunar Seðlabankans. Hún hafi ekki komið á óvart.

Íslandspóstur hættir að senda vörur til Bandaríkjanna á mánudag vegna breytinga á tollum. Framkvæmdastjóri netverslunar segir áfall að missa Bandaríkjamarkað.

Aðsókn að Listasafni Íslands meira en tvöfaldaðist í vor þegar vídjóverkið The Clock var í sýningu. Hjón úr Hafnarfirði leigðu sér hótelherbergi í miðborginni til að geta nýtt sér sólarhringsopnun safnsins til hins ítrasta.

Hátt í sautján þúsund hlauparar eru skráðir til leiks í Reykjavíkurmaraþoninu á morgun og hafa aldrei verið fleiri. Von er á fínasta hlaupaveðri.

Frumflutt

22. ágúst 2025

Aðgengilegt til

Rennur ekki út

• 00:01:37 Hungursneyð lýst yfir á Gaza
• 00:04:28 Hraðbankaránið
• 00:06:27 Jökulhlaup hafið úr Hafrafellslóni
• 00:09:33 Forstjóri MAST um eldislaxa
• 00:11:35 Ráðherrar um vexti
• 00:13:24 Hætt að senda til BNA
• 00:15:22 Metaðsókn í Listasafn Íslands
• 00:16:59 Reykjavíkurmaraþonið
• 00:18:23 Íþróttir
• 00:19:55 Veður
• 00:20:20 Seinni helst

Útvarpsfréttir.