Hádegisfréttir

Hádegisfréttir 25 nóvember 2023

Jarðfræðingur segir mikilvægt að sveitarfélög á Íslandi læri af reynslu Grindvíkinga og kortleggi sprungur og hættusvæði í íbúabyggð. Jarðvísindamenn telja að helstu hreyfingar í Grindavíkurbæ sé lokið og vel mögulegt að byggja upp bæinn á ný.

Erlendir sérfræðingar hafa verið fengnir til að korleggja hættur á Reykjanesskaga og aðstoða við undirbúning, ef til elgoss kemur.

Fjórtán gíslar til viðbótar verða frelsaðir frá Gaza í dag og fjörutíu og tveimur palestínskum föngum sleppt. Vopnahlé virðist ætla að halda enn, annan daginn í röð.

Mennirnir sem voru handteknir vegna hnífaárásar í Grafaholti í gær voru látnir lausir eftir yfirheyrslur. Lögregla býst við að yfirheyra fleiri vegna málsins í dag.

Eimskip hefur boðað breytingar á leiðakerfi sínu til að bregðast við losunarskatti Evrópusambandsins.

Gamall braggi í miðbæ Egilsstaða er orðinn þrætuepli í byggðaráði Múlaþings og er meirihlutinn klofinn í málinu. Byggðaráð samþykkti að sveitarfélagið skyldi eiga braggann áfram og að fé yrði sett í að lagfæra hann.

Tuttugu og þriggja ára suðurkóresk kona var nýverið dæmd í lífstíðarfangelsi þar í landi fyrir hrottafengið morð á ungum kennara. Ástæðan að baki morðinu hefur vakið mikinn óhug.

Frumflutt

25. nóv. 2023

Aðgengilegt til

Rennur ekki út

• 00:01:33 Jarðfræðingar rýna í stöðuna við Grindavík
• 00:03:26 Ráðherrar í Grindavík
• 00:05:27 Fleiri gíslar frelsaðir á Gaza
• 00:07:40 Öllum fjórum verið sleppt
• 00:08:46 Eimskip bregst við gjaldtöku
• 00:10:47 Heimskviðutís glæpaalda í Svíþjóð
• 00:12:25 Þrætt um bragga í miðbæ Egilsstaða
• 00:14:33 Meirihluti Finna vill loka öllum austur-landamærum
• 00:15:09 Myrti konu fyrir forvitnissakir
• 00:17:12 Íþróttir

Útvarpsfréttir.