Hádegisfréttir

Hádegisfréttir 10. júlí 2025

Forsætisráðherra segir að minnihlutinn á Alþingi standi í vegi fyrir lýðræðinu með málþófi um veiðigjaldið. Staðan sé fordæmalaus og nú sé það verkefni stjórnarinnar að tryggja að lýðræðið virki.

Þingflokksformaður Sjálfstæðisflokks og fimmti varaforseti þingsins sleit þingfundi fyrirvaralaust í gærkvöld. Mennta- og barnamálaráðherra sakar hana um valdarán.

Lausnin á vanda Landspítala er ekki að skipa fleiri starfshópa. Þetta segir heilbrigðisráðherra. Slípa þurfi heilbrigðiskerfið til áður en meira fé verði veitt til þess.

Hútar í Jemen sökktu tveimur skipum í Rauðahafi í vikunni, í fyrstu árásum sínum þar í mánuð. Þrír voru drepnir í seinni árásinni og nokkrir úr áhöfn eru í haldi Húta.

Smári sparisjóður verður heiti nýs sparisjóðs sem myndast við samruna Sparisjóðs Höfðhverfinga og Sparisjóðs Strandamanna. Markmiðið er að efla og stækka þessa tvo smæstu sparisjóði landsins.

Náttúruvársérfræðingur Veðurstofunnar segir að svo virðist sem dregið hafi úr risi vatnshæðar jökulhlaups úr Mýrdalsjökli. Hlaupið er þó enn í fullum gangi.

Ekki tókst að sökkva hvalshræi sem barst að landi á stefni Norrænu fyrir þremur vikum. Hræið hefur verið á reki úti fyrir Austfjörðum og er nú við fjöru í Berufirði.

Kvennalandslið Íslands í fótbolta mætir Noregi í kvöld í lokaleik sínum á Evrópumótinu í Sviss.

Frumflutt

10. júlí 2025

Aðgengilegt til

Rennur ekki út

• 00:01:41 Yfirlýsing forsætisráðherra
• 00:05:27 Viðbrögðin í þinginu
• 00:09:14 Heilbrigðisráðherra um úttekt Ríkisendurskoðunar
• 00:11:35 Hútar sökkva flutningaskipum
• 00:13:33 Sameining sparisjóða
• 00:15:29 Hlaupið enn í gangi
• 00:17:04 Norrænuhvalurinn kominn aftur
• 00:18:58 Íþróttir
• 00:21:02 Veður
• 00:21:20 Seinni helst

Útvarpsfréttir.