Hádegisfréttir

Hádegisfréttir 23. febrúar 2026

Áætlað er að rúmlega 32 hektarar hafi brunnið í gróðureldum við Elliðavatn í gær. Slökkvilið höfuðborgarsvæðisins hvetur fólk til að vera á varðbergi vegna gróðurelda. Í annarri vindátt hefðu vatnsból höfuðborgarbúa getað verið í hættu.

Rússar gerðu umfangsmiklar árásir á Úkraínu í gær og í nótt. Á morgun eru fjögur ár frá upphafi stríðsins. Framkvæmdastjóri Sameinuðu þjóðanna segir valdi beitt gegn lögum víða um heim.

Utanríkisráðherra varaði við mikilli afturför í grundvallarmannréttindum á alþjóðavísu, í stefnuræðu sinni í mannréttindaráði Sameinuðu Þjóðanna í dag.

Hafrannsóknastofnun metur hve mikið laxeldi er óhætt að hafa í Mjóafirði, líklega verður hægt bjóða út eldi í firðinum í vor eða sumar.

Óeirðir hafa stigmagnast í Mexíkó eftir að herinn felldi yfirmann eins umfangsmesta glæpagengis landsins í gær.

Matvælasetur og uppbygging í Króksfjarðarnesi á sunnanverðum Vestfjörðum fá styrk úr byggðaáætlun. Staðsetning, jarðhiti og raforka í fela í sér möguleika í ferðaþjónustu segir framkvæmdastjóri Vestfjarðastofu

Norðmenn voru sigursælastir á vetrarólympíuleikunum sem lauk í gærkvöld, unnu bæði flest gullverðlaun og verðlaun í heildina.

Birt

23. feb. 2026

Aðgengilegt til

Rennur ekki út

• 00:01:29 Afleiðingar sinubrunans
• 00:02:54 Staðan í Guðmundarlundi
• 00:04:36 Veitur um sinubrunann
• 00:05:35 Veðurfræðingur um framhaldið
• 00:07:22 Áfram árásir á Úkraínu
• 00:09:55 Stefnuræða utanríkisráðherra
• 00:10:35 Burðarþol Mjóafjarðar
• 00:12:40 Vargöld í Mexíkó
• 00:13:25 Aflýsa flugi til Bandaríkjanna
• 00:14:05 Ný ríkisstjórn í Hollandi
• 00:15:24 Síbrotagæsla eftir helgina
• 00:15:49 Króksfjarðarnes og uppbygging
• 00:17:50 Vinstrið í borginni
• 00:18:27 Íþróttir
• 00:20:23 Veður
• 00:20:55 Seinni helst

Útvarpsfréttir.