Hádegisfréttir

Hádegisfréttir 3.september 2025

Forseti Úkraínu er á fundi í Kaupmannahöfn með leiðtogum Norðurlanda og Eystrasaltsríkja. Til skoðunar er að Úkraínumenn framleiði vopn í Danmörku.

Veðurstofan gerir ráð fyrir að það dragi úr skriðuhættu á Austurlandi eftir því sem líður á daginn. Skriðusérfræðingur segir að það hafi stytt upp fyrr en búist var við.

Börn hafa ekki jafnt aðgengi að íþrótta- og tómstundaiðkun vegna kostnaðar, að dómi sérfræðings hjá ASÍ. Stjórnvöld og sveitarfélög ættu að skoða hvort bregðast megi við.

Öflug leysigeislavopn og úlfavélmenni voru meðal þess sem sjá mátti á hersýningu í Kína í morgun. Forseti landsins segir mannkyn standa frammi fyrir vali um stríð eða frið.

Þorlákshafnarbúum brá sumum í brún í gær þegar brynvarðir bílar sem minntu á skriðdreka óku þar hjá. Þeir tengjast alþjóðlegri heræfingu hér á landi. Landhelgisgæslan ætlar að bæta upplýsingagjöf til almennings um slíkar æfingar.

Efnt verður til fundar í öllum landshlutum á laugardag til stuðnings Palestínu. Yfir hundrað samtök taka þátt, sem skipuleggjandi segir merki um breiða samstöðu í samfélaginu.

Hljóðið er þungt í íslenskum landsliðsmönnum í körfubolta, sem eiga ekki möguleika á að komast áfram á Evrópumótinu. Þeir eiga þó einn leik eftir, gegn Frökkum á morgun.

Frumflutt

3. sept. 2025

Aðgengilegt til

Rennur ekki út

• 00:01:30 Zelensky fundar með leiðtogum
• 00:03:28 Skriðusérfræðingur um hættuna
• 00:04:39 Fjöldauppsagnir í ágúst
• 00:05:25 ASÍ um íþrótta- og tómstundakostnað
• 00:06:59 Nálgunarbann með staðsetningarbúnaði
• 00:07:32 Hersýning í Kína
• 00:09:16 Sigmundur um gagnrýni á Snorra
• 00:10:02 Northern Challenge heræfing
• 00:12:10 Fjöldafundir víða um land
• 00:13:52 Fjármálaráðgjafi um fárhagsstöðu
• 00:15:24 Hyggjast banna börnum orkudrykki
• 00:16:11 Áfram vöxtur í sölu nýrra bíla
• 00:17:41 Vilja kjósa um merki Vesturbyggðar
• 00:18:25 Íþróttir

Útvarpsfréttir.