Minnst 30 létust í flugslysi í Washington-borg í Bandaríkjunum í gærkvöld. Farþegaflugvél og herþyrla skullu saman og höfnuðu í Potomac-ánni. Björgunarstarf stendur enn, við afar krefjandi aðstæður.
Forseti ASÍ telur forsendur fyrir því að Seðlabankinn lækki stýrivexti í næstu viku. Verðbólgan heldur áfram að hjaðna og hefur ekki verið minni í rúm þrjú ár.
Ríkissáttasemjari leggur fram innanhústillögu í deilu kennara, ríkisins og sveitarfélaga á samningafundi sem hefst klukkan fjögur.
Leikarar í Borgarleikhúsinu segjast niðurlægðir eftir að hafa fengið upplýsingar um laun annarra starfsmanna sem séu margfalt hærri. Ný viðmið um launasetningu hafi verið sett í skjóli nætur.
Miklar annir hafa verið hjá lögreglunni á Suðurnesjum vegna slæmrar færðar og vonskuveðurs. Landhelgisgæslan hvetur fólk til að fara varlega við sjávarsíðuna og á sjó.
Utanríkisráðherra segir að Íslendingar þurfi að auka framlög til varnarmála; það verði að taka þessi mál alvarlega.
Salwan Momika, sem var alræmdur fyrir að brenna kóraninn í Svíþjóð í hitteðfyrra, var í gær skotinn til bana. Talið er að morðinu hafi verið streymt beint á netinu.
Króatíska landsliðið, sem Dagur Sigurðsson þjálfar, mætir því franska í undanúrslitum heimsmeistaramóts karla í handbolta í kvöld. Ólafur Stefánsson segir að það kraftaverk ef Króatía hefur betur.
