Kennarar íhuga uppsagnir eftir að samband sveitarfélaga felldi tillögu ríkissáttasemjara að sátt í deilunni í gær. Kennarar vilja að birt verði hvernig fulltrúar í stjórninni greiddu atkvæði.
Minnihlutinn í Reykjavík segir vanta útskýringar á því hvernig nýr meirihluti ætlar að taka á fjármálum borgarinnar. Í samstarfssáttmálanum séu útgjaldaliðir sem ekki liggi fyrir hvernig eigi að framkvæma.
Ísraelsher skaut tvö börn til bana á Vesturbakkanum í gær. Hamas-samtökin hafa skilað líki Shiri Bibas og sleppt fleirum úr haldi.
Fjórðungur kjósenda í Þýskalandi er enn óákveðinn, samkvæmt könnunum. Búist er við að um 45 milljónir greiði atkvæði í þingkosningunum á morgun.
Vinstri-Græn hyggja á stórsókn í sveitarstjórnarkosningnum á næsta ári og sitja nú flokksráðsfund. Formaður flokksins segir samstarf við aðra flokka til skoðunar.
Umhverfis-, orku- og loftslagsráðherra segir óviðunandi réttaróvissu hafa skapast með niðurstöðu héraðsdóms um að ekki sé til lagastoð til að heimila breytingu á vatnshloti vegna framkvæmda. Þjóðhagslegar framkvæmdir séu settar í uppnám.
RARIK greiðir HEF veitum um 200 milljónir króna fyrir að taka við rekstri fjarvarmaveitunnar á Seyðisfirði. Óvíst er hvað tekur við þegar raforkusamningur veitunnar rennur út eftir fjögur ár. Þangað til verður leitað að öðrum orkugjafa og reynt að fjölga notendum til að gera veituna hagkvæmari.
Frans páfi er sagður á batavegi en hann verður á spítala í viku í viðbót að minnsta kosti. Páfi greindist með lungabólgu í báðum lungum fyrr í vikunni.
Niðurstöður nýrrar rannsóknar á þorskstofninum við íslandsstrendur benda til þess að stofninn hafi verið sexfalt stærri en nú við landnám og að veiðar hafi verið mun umfangsmeiri en áður var talið.
