Fimm ára rannsókn héraðssaksóknara á Samherjamálinu er lokið. Níu núverandi og fyrrverandi starfsmenn Samherja eru með réttarstöðu sakbornings. Kaflaskil, segir héraðssaksóknari.
Undirmönnun á Landspítala er alvarleg að mati Ríkisendurskoðunar. Tólf milljarða uppsöfnuð heimild til fjárfestingar í hjúkrunarrýmum hefur aðeins skilað tæplega 70 rýmum.
Tillaga stjórnarandstöðunnar um að ræða fjármálaáætlun á undan veiðigjaldi var kolfelld á Alþingi fyrir hádegi. Þingflokksformaður Viðreisnar segir þetta afhjúpa ógöngurnar sem Alþingi sé í. Umræða um veiðigjald heldur áfram og ekkert samkomulag ligggur fyrir um þinglok.
Stjórnvöld í Úkraínu eru uggandi yfir þeim tíðindum að þau fái ekki í bráð, hluta af þeirri hernaðaraðstoð frá Bandaríkjunum sem gert var ráð fyrir. Hæstráðandi sendiráðs Bandaríkjanna í Kyiv var kallaður á fund í morgun.
Auka á heilbrigðisþjónustu og bráðaviðbragð í Öræfum árið um kring. Heilbrigðisráðherra telur að huga þurfi að því að koma upp sjúkraflugvelli.
Sextán pólitískum föngum var í morgun sleppt úr fangelsi í Belarús, sumum þeirra illa höldnum. Mannréttindasamtök segja að yfir þúsund manns sé haldið í fangelsum fyrir skoðanir sínar í landinu.
Kristján Atli Sævarsson gengur Vestfjarðahringinn til að safna fyrir nýjum leirbrennsluofni fyrir Sólheima. Hann fer nú allra síðasta spölinn og segir að söfnunin hafi gengið vonum framar.
Evrópumót kvenna í fótbolta í Sviss hefst í dag. Ísland á fyrsta leik og Finnland er andstæðingurinn.
