Hádegisfréttir

Hádegisfréttir 23. desember 2024

Hækkun veiðigjalda á eftir að veikja fyrirtæki í sjávarútvegi, segir framkvæmdastjóri Vísis í Grindavík. Fleiri strandveiðidagar þýði minni tekjur í ríkissjóð.

Ekkert ferðaveður er á landinu, sérstaklega ekki á því vestanverðu. Það er búist við leiðindaveðri um jólin og Veðurstofan varar við ferðalögum.

Verðandi forseti Bandaríkjanna segir nauðsynlegt fyrir öryggi og frelsi í heiminum að Bandaríkin eigi og ráði yfir Grænlandi. Grænlendingum og Dönum líst illa á það.

Mál vararíkissaksóknara er í pattstöðu, segir stjórnsýslufræðingur en hægt að leysa úr því. Ríkissaksóknari telur vararíkissaksóknarann ekki hæfan til að gegna embættinu.

Viðræður um sameiningu bílaframleiðendanna Hondu og Nissans eru hafnar, meðal annars vegna aukinnar samkeppni frá Kína í framleiðslu á rafbílum.

Um hundrað kíló af skötu eru send Íslendingum á Spáni fyrir jólin. Eigandi barsins Nostalgíu, sem fær rúmlega 100 gesti í dag, segir að skatan hljóti að bragðast betur í sólinni.

Annað árið í röð eru konur í meirihluta þeirra sem tilnefnd eru sem íþróttamaður ársins. Samtök íþróttafréttamanna birtu tilnefningarnar í morgun.

Frumflutt

23. des. 2024

Aðgengilegt til

Rennur ekki út

• 00:01:27 Útgerðin og veiðigjöld
• 00:03:40 Veður og færð
• 00:06:26 Heim fyrir jólin
• 00:08:10 Trump hefur ennþá áhuga á Grænlandi
• 00:10:18 Sádi-Arabía hafði óskað eftir framsali ódæðismanns
• 00:11:01 Staða Helga Magnúsar
• 00:13:03 Fyrsti fundur nýrrar ríkisstjórnar
• 00:14:38 Viðræður um sameiningu Hondu og Nissan
• 00:16:20 Skata á Tenerife
• 00:17:24 Skötuveisla
• 00:19:27 Íþróttir
• 00:20:58 Seinni helst

Útvarpsfréttir.