Hádegisfréttir

Hádegisfréttir 6. júlí 2024

Þrjár nýjar stofnanir á vegum umhverfis-, orku- og loftslagsráðuneytisins verða með aðsetur á Akureyri, Hvolsvelli og Vesturlandi. Auglýst hefur verið eftir nýjum forstjórum.

Tortryggni einkennir umsagnir almennings til skipulagsstofnunar vegna Coda Terminal verkefnisins í Hafnarfirði. Umsagnarfrestur rann út í gær. Forstjóri Skipulagsstofnunar segir fjölda umsagna fleiri en gengur og gerist.

Miklar breytingar verða í Þjórsárdal vegna uppbyggingar ferðaþjónustu í dalnum og byggingar hótels. Framkvæmdir eru hafnar á þjóðlendum og friðuðum svæðum.

Þjóðfylkingin, flokkur Marine Le Pen fær að líkindum ekki meirihluta atkvæða í seinni umferð þingkosninganna í Frakklandi á morgun, samkvæmt skoðanakönnun. Forsætisráðherraefni flokksins hefur sagt að hann vilji ekki mynda ríkisstjórn nema flokkurinn fái hreinan meirihluta.

8-liða úrslitum EM í fótbolta karla lýkur í dag með tveimur leikjum. Mikill viðbúnaður verður í Berlín þegar Holland og Tyrkland mætast en leikbann Tyrkjans Merih Demiral eftir 16-liða úrslitin er orðið að milliríkjadeilu Þýskalands og Tyrklands.

Frumflutt

6. júlí 2024

Aðgengilegt til

Rennur ekki út

• 00:00:00 Helst
• 00:01:13 Nýjar stofnanir fara á landsbyggðina
• 00:02:58 Göngumaður fannst látinn
• 00:03:19 Coda Terminal - skipulagsfrestur
• 00:04:59 Starmer blaðamannafundur
• 00:07:24 Breytingar í Þjórsárdal
• 00:09:12 Skoðanakannanir í Frakklandi
• 00:11:04 Rússar segjast sækja fram
• 00:11:38 Kosningar í Íran
• 00:12:37 Joe Biden lengra
• 00:12:37 Ný stofnáætlun rjúpunnar
• 00:15:07 Íþróttir
• 00:17:15 Veðurfræðingur um veðrið

Útvarpsfréttir.