Hádegisfréttir

Hádegisfréttir 24.maí 2025

Kólumbíska piltinum Oscari Anders Bocanegra Florez hefur verið gert að yfirgefa landið ekki síðar en í byrjun júní eftir að kærunefnd útlendingamála hafnaði umsókn hans um alþjóðlega vernd. Hann sætir endurkomubanni í tvö ár.

Rússlandsher gerði árásir á nokkur hverfi í Kænugarði í gær og særði fimmtán, þar af tvö börn. Úkraínuforseti og utanríkisráðherra Eistlands kalla eftir hertum refsiaðgerðum.

Heilbrigðisráðherra segir að stytta þurfi bið krabbameinssjúklinga eftir geislameðferð. Biðin er allt að tvöfalt lengri en miðað er við.

Sósíalistaflokkur Íslands heldur aðalfund í dag. Tvær fylkingar eru í framboði til stjórna, talsverð óeining er meðal flokksmanna.

Hernaðarsagnfræðingur segir alþjóðasamfélagið geta gert heilmikið til að bregðast við ástandinu á Gaza. Til þess þurfi pólitískan vilja.

Hitabylgjan í síðustu viku er sú mesta í maí frá upphafi mælinga. Hiti fór yfir 20 stig á landinu tíu daga í röð.

Hópur fólks reynir að rétta við Steininn undir Þverfellshorni í Esju, en hann valt úr stað í síðasta mánuði. Hann er einn helsti áfangastaður þeirra sem ganga á Esjuna.

Valskonur eru aðeins einum sigri frá því að verða Íslandsmeistarar í handbolta þriðja árið í röð

Frumflutt

24. maí 2025

Aðgengilegt til

Rennur ekki út

Útvarpsfréttir.