Stjórnarformaður Grundarheimilanna fundar með tugum starfsfólks sem til stendur að segja upp og vinnur einkum við ræstingar og þvotta. Formaður Eflingar boðar aðgerðir.
Verðbólga hækkaði lítillega á milli mánaða og er komin í átta prósent. Verðhækkun og skóm og fötum er ein helsta orsökin.
Ekkert lát virðist á ofbeldisöldu í Svíþjóð. Tveir karlar voru skotnir til bana í Stokkhólmi í gærkvöld og kona fórst í sprengjuárás í Uppsölum. Leiðtogi Jafnaðarmanna vill fá herinn til aðstoðar.
Lögum um hatursorðræðu og hatursglæpi er vart beitt hér á landi, sagði þingmaður Pírata á Alþingi í morgun. Þar var rætt um líkamsárás á hinsegin mann í miðborg Reykjavíkur í vikunni
Forstjóri Vinnumálastofnunar segir áhyggjuefni hversu hátt hlutfall atvinnulausra eru erlendir ríkisborgarar, eða tæplega 50 prósent. Engin einhlít skýring sé á þessu.
Útgjöld til hernaðarmála verða aukin um sjötíu prósent í Rússlandi á næsta ári. Þau nema þá sex prósentum af landsframleiðslu.
Forsetaefni Repúblikanaflokksins skutu á Donald Trump í kappræðum í gær. Trump mætti ekki sjálfur og hélt eigin kosningafund í staðinn.
Hvalaþjálfari tekur þátt í björgun háhyrningsins sem liggur strandaður í Gilsfirði. Hvalnum verður klappað og reynt að láta hann gera jógaæfingar til að róa hann fyrir flutninginn.
Ný tegund sæsnigla hefur numið land í fjörum Breiðafjarðar. Stórmerkur fundur segja líffræðingar.
