Hádegisfréttir

Hádegisfréttir 20. desember 2023

Dregið hefur úr virkni og óróa í eldgosinu við Sundhnúk á Reykjanesskaga. Lögreglustjórinn á Suðurnesjum segir hættulegt að dvelja í Grindavík og hefur bannað alla viðveru þar til 28. desember. Aukin gosmengun var í Reykjanesbæ í morgun.

Stjórn KFUM og KFUK segir að vitnisburður sem samtökin hafa fengið undanfarið um kynferðislega áreitni séra Friðriks Friðrikssonar, stofnanda samtakanna, sé hafinn yfir skynsamlegan vafa. Knattspyrnufélagið Valur hefur fjarlægt styttu af Friðriki af lóð sinni.

Suður-Evrópuríkin fagna nýju samkomulagi ESB-ríkjanna í málefnum flóttafólks og hælisleitenda. Í því felst hert eftirlit en Ungverjar eru afar mótfallnir samkomulaginu.

Formaður Starfsgreinsambandsins segir vonbrigði að ekki hafi náðst samkomulag allra félaga innan ASÍ um sameiginlega kröfugerð fyrir komandi viðræður. Flest félög innan ASÍ séu sammála um mikilvægi þess að ná niður verðlagi og vaxtastigi.

Stjórnsýslufræðingur segir þröskuldinn fyrir sendiherratign hafa verið lækkaðan með tilnefningu fyrrverandi aðstoðarmanns utanríkisráðherra í embætti sendiherra í Washington. Upphefðin sé fágæt.

Háskólaráðherra talaði minnst á þingi fyrir jólafrí. Píratinn Björn Leví Gunnarsson var málglaðastur.

Útlit er fyrir hvít jól um nánast allt land.

Frumflutt

20. des. 2023

Aðgengilegt til

Rennur ekki út

• 00:01:36 Kristín Jónsdóttir um stöðuna
• 00:03:57 Lögreglustjórinn á Suðurnesjum
• 00:05:18 Gosmengun á suðvesturhorninu
• 00:07:07 Upplýsingafundur almannavarna
• 00:07:24 Ný flóttamannastefna ESB
• 00:09:23 Biðjast afsökunar á sr. Friðriki
• 00:11:06 Komandi kjaraviðræður
• 00:13:12 Sendiherraráðningar
• 00:14:51 Jólaveðrið 2023
• 00:16:24 Ræðukóngur Alþingis
• 00:18:01 Íþróttir
• 00:19:59 Veður
• 00:20:29 Seinni helst

Útvarpsfréttir.