Eldar brenna stjórnlaust í Los Angeles og breiðast hratt út. Heilu hverfin eru rústir einar. Áfram er spáð hvössu og þurru veðri og ólíklegt er að slökkviliðsmönnum takist að hemja eldana um helgina. Minnst tíu hafa fundist látnir. Talið er víst að þeir séu mun fleiri.
Fimm voru fluttir á sjúkrahús eftir að tvær rútur skullu saman við Hellu í morgun. Fimmtíu ferðamenn voru í rútunum.
Danska ríkisstjórnin vill ræða beint við verðandi Bandaríkjaforseta vegna ummæla hans um Grænland. Prófessor við háskólann á Akureyri segir að Trump ásælist auðlindir á Grænlandi, til að búa sig undir viðskiptastríð milli Bandaríkjanna og Kína.
Bónda á Mýrum finnst óþægilegt að vera ekki með farsímasamband, vitandi af kvikuinnskoti stutt frá bænum. Engar vísbendingar eru um að kvikan sé á leið upp á yfirborðið en Veðurstofan vaktar Ljósufjallakerfi.
Bæjarstjórinn í Hveragerði segir mikilvægt að tryggja afhendingu á heitu vatni í bænum. Skortur hefur verið á heitu vatni í bænum síðan borhola bilaði í desember.
Búast má við leysingum, auknu afrennsli og vatnavöxtum í ám og lækjum um helgina. Veðustofan hvetur fólk til að hreinsa frá niðurföllum til að forðast vatnstjón.
Átakinu Á allra vörum var hrint af stað í dag. Forsvarsmaður þess segir brýnt að vekja athygli á þörf fyrir nýtt Kvennaathvarf. Málstaðurinn komi öllum við.
Línumaðurinn Arnar Freyr Arnarsson línumaður í handbolta tognaði í gærkvöld og kemst ekki á HM.
