Hádegisfréttir

Hádegisfréttir 25. október 2025

Fjármálaráðherra segir mikilvægt að Seðlankinn hefji vaxtalækkunarferlið á ný til að koma í veg fyrir harða lendingu efnahagslífsins. Hann fagnar því að Landsbankinn hafi brugðist við óvissu á íbúðalánamarkaði með breytingum á lánaskilmálum.

Þingmaður Viðreisnar telur brýnt að lög um veðmálastarfsemi verði tekin til skoðunar og þeim breytt. Aðlaga þurfi löggjöfina að breyttum viðskiptaháttum.

Lögreglan á Suðurnesjum hefur handtekið einn í tengslum við stunguárár í Grindavík í síðustu viku. Maðurinn sem varð fyrir árásinni er ekki lengur í lífshættu og hefur lögregla tekið skýrslu af honum.

Allt bendir til að Catherine Connolly verði nýr forseti Írlands. Hún er vinstrisinnuð og vill ekki að Írland taki þátt í hervæðingu annarra Vesturlanda.

Þungir dómar féllu yfir sex Bretum í gær, fyrir íkveikju í Lundúnum í fyrra. Rússneska leyniþjónustan borgaði þeim fyrir að skemma hjálpargögn á leið til Úkraínu.

Öll miðlunarlón Landsvirkjunar voru full um síðustu mánaðmót og segir Landsvirkjun að líklega þurfi ekki að skerða afhendingu á raforku til stórnotenda í vetur. Þórisvatn fylltist í fyrsta skipti síðan árið 2019.

Frumflutt

25. okt. 2025

Aðgengilegt til

Rennur ekki út

• 00:00:00 Helst
• 00:01:22 Slysaskot á suðurlandi
• 00:01:48 Fjármálaráðherra um íbúðalán
• 00:04:27 Vill breyta lögum um veðmálastarfsemi
• 00:06:12 Handtekinn vegna stunguárásar í Grindavík
• 00:07:13 Líðan ökumanns sem fór sjóinn góð
• 00:07:39 Connolly með forystuna á Írlandi
• 00:09:25 Þrjár konur í nýrri ríkisstjórn Japans
• 00:11:09 Kamala undir feld
• 00:11:53 Breti dæmdur fyrir að vinna fyrir Rússa
• 00:13:41 Versnandi akstursskilyrði á fyrsta degi vetrar
• 00:14:41 Öll vatnslón Landsvirkjunar full
• 00:15:45 Íþróttir

Útvarpsfréttir.