Hádegisfréttir

Hádegisfréttir 27. maí 2025

Dómsmálaráðherra vill ekki staðfesta neitt um mögulegar breytingar á stöðu Helga Magnúsar Gunnarssonar vararíkissaksóknara. Fullyrt er að Helga Magnúsi hafi verið boðin staða vararíkislögreglustjóra.

Fyrrverandi forsætisráðherra Ísraels segir ísraelsk stjórnvöld fremja stríðsglæpi á Gaza. 79 hið minnsta hafa verið drepnir í árásum Ísraelshers síðasta sólarhringinn.

Fjögur börn eru á meðal hátt í 50 sem slösuðust þegar bíl var ekið inn í mannfjölda í Liverpool í gær. Einn hefur verið handtekinn. Málið er ekki rannsakað sem hryðjuverk.

Áttatíu missa vinnuna þegar kísilverksmiðju PCC á Bakka verður lokað í sumar. Sveitarstjóri Norðurþings segir þetta mikið högg fyrir samfélagið en segist fullviss um að það takist að opna aftur.

Vélarbilun leiddi líklega til þess að eins hreyfils flugvél var nauðlent á Suðurlandsvegi í gærkvöld, að mati rannsóknarnefndar samgönguslysa. Landhelgisgæslan lýsti yfir óvissustigi vegna sömu vélar í gær.

Íslenskum ungmennum líður illa andlega samanborið við ungt fólk í öðrum efnameiri ríkjum samkvæmt nýrri skýrslu Unicef um velferð barna.

Fullrúar hátt í tuttugu aðildarríkja Evrópusambandsins gagnrýna ungversk stjórnvöld fyrir lög sem takmarka réttindi hinsegin fólks. Rætt verður um mannréttindi og stöðu lýðræðis á ráðherrafundi ESB í Brussel í dag.

Fyrrverandi landsliðskona varð í gær Íslandsmeistari með Val í sínum síðasta leik; draumaendir á löngum ferli segir hún.

Frumflutt

27. maí 2025

Aðgengilegt til

Rennur ekki út

• 00:01:46 Mál vararíkissaksóknara
• 00:03:32 Olmert segir Ísrael fremja stríðsglæpi
• 00:04:59 Aðalmeðferð í Kiðjabergsmálinu
• 00:06:24 Hnífi beitt á Húsavík
• 00:06:55 Lokun kísilvers PCC á Bakka
• 00:09:11 Flugvél nauðlenti á Suðurlandsvegi
• 00:11:07 Bíll keyrði inn í mannfjölda
• 00:12:26 Íslendingar í Liverpool
• 00:13:12 Ísland stendur illa í geðheilsu og færni barna
• 00:15:30 Skamma Ungverja vegna hinsegin fólks
• 00:17:35 Ekki brotið gegn rétti mótmælenda
• 00:19:04 Íþróttir

Útvarpsfréttir.