Hádegisfréttir

Hádegisfréttir 3. febrúar 2026

Lögreglan á Suðurlandi hefur farið fram á gæsluvarðhald yfir tveimur konum sem handteknar voru í gær vegna andláts í Vestmannaeyjum.

Marius Høiby, sonur norsku krónprinsessunnar, neitar sök í flestum ákæruliðum. Réttarhöld yfir honum hófust í morgun.

Menn sem voru vistaðir af barnaverndarnefndum á sveitabæ segjast hafa orðið fyrir miklu ofbeldi og kerfið hafi brugðist þeim.

Fimm hafa haft samband við Reykjavíkurborg vegna vægra einkenna eftir að listería greindist í framleiðslueldhúsinu á Vitatorgi. Listeríusmit hefur þó ekki verið staðfest.

Ríkisstjórn Frakklands stóð af sér tvær tillögur um vantraust í gær. Þær voru lagðar fram eftir að forsætisráðherrann ákvað að knýja fjárlög í gegnum þingið án atkvæðagreiðslu.

Rútubílstjóri á Egilsstöðum harðneitar að borga næstum tuttugu milljónir í kílómetragjald í janúar. Útilokað sé að rútan komist 25 hringi í kringum jörðina, það er tæplega milljón kílómetra, á einum mánuði.

Verð fyrir að senda pakka til útlanda meira en tvöfaldast um næstu mánaðamót þegar ný verðskrá Póstsins tekur gildi.

Fram varð í gærkvöld fyrsta liðið til að tryggja sér sæti í undanúrslitum bikarkeppni kvenna í handbolta með sigri á ÍR.

Frumflutt

3. feb. 2026

Aðgengilegt til

Rennur ekki út

• 00:00:00 Loftárásir á Úkraínu
• 00:01:28 Rannsókn á andláti í Vestmannaeyjum
• 00:03:00 Réttarhöld yfir syni krónprinsessu
• 00:05:40 Lýsa ofbeldi á sveitabæ
• 00:06:36 Engin staðfest listeríusmit
• 00:08:16 Fjárlög í Frakklandi NOTA
• 00:10:34 Sagður keyra milljón kílómetra í janúar
• 00:13:01 Fundur Grindavíkurnefndar
• 00:14:24 Fuglaflensa á höfuðborgarsvæðinu
• 00:14:58 Pósturinn hækkar verðskrá
• 00:16:39 Húsleit hjá X í París
• 00:17:20 Björgunar-sund-afrek í Ástralíu
• 00:18:22 Íþróttir

Útvarpsfréttir.